وبلىس اكىمدىگىنىڭ اۋىل شارۋاشىلىعى جانە جەر قاتىناستارى باسقارماسىنىڭ مالىمەتىنشە, اباي وبلىسىندا ءداندى جانە ءداندى-بۇرشاقتى داقىلدار, كوكونىس-باقشا, كارتوپ القاپتارىنىڭ 100% - ى جانە ءزايتۇن داقىلدارىنىڭ 99% - ى جينالعان. اعىمداعى جىلى جالپى ەگىن جيناۋ الاڭى 742,6 مىڭ گەكتاردى قۇراعان.
«وبلىستىڭ ءاشتو «اگرارلىق نەسيە كورپوراتسياسى» اق فيليالى ارقىلى نەسيەلەۋ باعدارلامالارى اياسىندا ەگىس جانە ەگىن جيناۋ جۇمىستارىن جۇرگىزۋگە 904,7 ملن تەڭگەدەن استام نەسيەلىك قاراجات بەرىلدى», دەيدى باسقارما باسشىسى انزور اباەۆ.
ونىڭ ايتۋىنشا, 2021-2025 جىلدارعا ارنالعان اوك ينۆەستيتسيالىق جوبالارىن ىسكە اسىرۋ جونىندەگى جول كارتاسى بەكىتىلدى, وعان جالپى سوماسى 52,6 ملرد تەڭگەگە 28 جوبا ەنگىزىلدى. جوبالار ءتۇرلى سالالار بويىنشا 5 نەگىزگى باعىت بويىنشا, سونىڭ ىشىندە سۋارمالى جەرلەردى ۇلعايتۋ; ەت جانە ءسۇت ءوندىرۋ; قولدانىستاعى وندىرىستەردى جاڭعىرتۋ جانە مالدىڭ گەندىك قورىن جاقسارتۋ بويىنشا ىسكە اسىرىلۋدا.
