بۇل تۋرالى TRT Haber تەلارناسىندا تۇركيا ىشكى ىستەر ءمينيسترى سۋلەيمان سويلۋ ءمالىم ەتتى.
ءمينيستردىڭ ايتۋىنشا, بۇعان دەيىن 21 ادام ۇستالىپ, بومبانى ورنالاستىرعان ادام قاماۋعا الىنعان.
- جاقىن ارادا بىزگە بۇل ازاپتى تارتتىرعانداردىڭ جازاسىن بۇدان دا اۋىر ازاپپەن قايتارامىز, دەدى ول تەلەارناعا بەرگەن سۇحباتىندا.
ول سونداي-اق زارداپ شەككەن 81 ادامنىڭ 50-ءى شىعارىلعانىن, بەسەۋى جانساقتاۋ بولىمىندە, ەكەۋىنىڭ جاعدايى اۋىر ەكەنىن ايتتى. ال بۇعان دەيىن جارىلىستان التى ادام قايتىس بولعانى حابارلانعان بولاتىن.
ەستەرىڭىزگە سالايىق, كەشە ساعات 16:20 شاماسىندا ىستانبۇلدىڭ بەيوعلى اۋدانىندا جارىلىس بولىپ ەدى. جارىلىس ورىن العان يستيكليال كوشەسى تولىعىمەن جابىلىپ, جاقىن ماڭداعى تاكسيم مەشىتى دە جۇمىسىن ۋاىقتشا توقتاتتى.
تۇركيا ۆيتسە-پرەزيدەنتى فۋات وكتاي بومبانى ايەل ادام قويعانىن ايتتى. سونداي-اق تۇركيا پرەزيدەنتى رەجەپ تايىپ ەردوعاننىڭ وقيعانى لاڭكەستىك ارەكەت دەپ باعالاعانىن راستادى. ايتا كەتەيىك, تۇركيانىڭ راديو جانە تەلەۆيدەنيەنىڭ جوعارعى كەڭەسى جەرگىلىكتى باق-تىڭ جارىلىستى كورسەتۋىنە تىيىم سالعان.
