پنەۆمونيا دۇنيە جۇزىندە ەرەسەكتەر مەن بالالار ولىمىنە ءجيى سەبەپ بولادى. الەم بويىنشا 2019 جىلى 2,5 ميلليون ادام, ونىڭ ىشىندە 672 000 بالا پنەۆمونيادان قايتىس بولعان. قازاقستاندا پنەۆمونيادان بولاتىن اۋرۋشاڭدىق پەن ءولىم-ءجىتىم كوروناۆيرۋسقا دەيىنگى كەزەڭمەن سالىستىرعاندا الدەقايدا كوبەيىپ كەتكەن.
ەلىمىزدە 2023-2025 جىلدارعا ارنالعان فتيزيوپۋلمونولوگيالىق قىزمەتتى دامىتۋ جونىندەگى جول كارتاسىنىڭ جوباسى ازىرلەندى. ونىڭ شەڭبەرىندە تىنىس الۋ ورگاندارىنىڭ اۋرۋلارى كەزىندە مەديتسينالىق كومەكتى حالىققا ۇيىمداستىرۋ, تىنىس الۋ ورگاندارىنىڭ اۋرۋلارى كەزىندە مەديتسينالىق كومەكتىڭ قولجەتىمدىلىگى مەن ساپاسىن قامتاماسىز ەتۋ, تىنىس الۋ ورگاندارىنىڭ اۋرۋلارى كەزىندە كومەك كورسەتۋ ءۇشىن, ەمدەۋ-دياگنوستيكالىق پروتسەستى جەتىلدىرۋ, ونىڭ ىشىندە مەديتسينالىق ۇيىمداردى جاراقتاندىرۋمەن قامتاماسىز ەتۋ, كادرلىق الەۋەتتى دامىتۋ جوسپارلانىپ وتىر», دەلىنگەن دەنساۋلىق ساقتاۋ مينيسترلىگىنىڭ حابارلاماسىندا.
ايتا كەتەيىك, تۇماۋعا, پنەۆموكوككقا جانە گەموفيلدى تاياقشاعا قارسى ۆاكتسيناتسيانى قولدانۋ دا پنەۆمونيانىڭ دامۋىن بولدىرماۋدىڭ ءتيىمدى ادىستەرىنىڭ ءبىرى.
