ايماقتار • 12 قاراشا، 2022

عازيز بايتاسوۆقا ارنالعان مەموريالدىق تاقتا اشىلدى

134 رەت كورسەتىلدى

پەتروپاۆل قالاسىنىڭ پوليتسيا باسقارماسىندا 2011 جىلى تاراز قالاسىندا لاڭكەستى ۇستاۋ كەزىندە ەرلىكپەن قازا تاپقان پوليتسيا كاپيتانى عازيز بايتاسوۆقا ەسكەرتكىش تاقتا اشىلدى، دەپ حابارلايدى Egemen.kz.

11 جىل بۇرىن 11 قاراشا ءدال وسىنداي جۇما كۇنى ەدى. بۇل كۇنى پاترۋلدىك پوليتسيا باتالونىنىڭ قىزمەتكەرى عازيز بايتاسوۆ قالىپتى رەجىمدە قىزمەت اتقارعان، بىراق بۇل ونىڭ سوڭعى جۇمىس كۇنى ەكەنىن بىلمەگەن.

سەنبى، 12 قاراشادا مۇزداي قارۋلانعان لاڭكەس تاراز قالاسىندا اسا اۋىر قىلمىستار جاساپ، جەتى ادامنىڭ ءومىرىن قيعان. ونىڭ بەسەۋى – قۇقىق قورعاۋ ورگاندارىنىڭ قىزمەتكەرلەرى. لاڭكەس قول گراناتاسىن جارۋعا ارەكەت ەتكەن كەزدە عازيز بايتاسوۆ حالىقتى قاۋىپتەن امان الىپ قالۋ ءۇشىن قىلمىسكەردى جەرگە قۇلاتىپ، ءوز دەنەسىمەن گراناتانى جاپتى... ەرلىكپەن قازا تاپقان ءتارتىپ ساقشىسىنا «حالىق قاھارمانى» اتاعى بەرىلدى.

كەشە وڭىردەگى پەتروپاۆل قالالىق پوليتسيا باسقارماسىنىڭ عيماراتىندا ونىڭ ەسىمى جازىلعان ەسكەرتكىش تاقتا اشىلدى. اشىلۋ راسىمىنە وبلىستىق پوليتسيا دەپارتامەنتى جانە قالالىق پوليتسيا باسقارماسىنىڭ باسشىلىعى، پب جەكە قۇرامى، ۆەدومستۆو ارداگەرلەرى، وبلىستىق جانە قالالىق مەملەكەتتىك ورگانداردىڭ باسشىلارى، جۇرتشىلىق وكىلدەرى قاتىستى. قالا اكىمى رۋسلان اڭباەۆ پوليتسيا قىزمەتكەرلەرىنە ءاردايىم ۇيلەرىنە امان-ەسەن ورالۋدى تىلەدى. وبلىس پروكۋرورى باعبان تايمبەتوۆ 12 قاراشا كۇنى بولعان وقيعانىڭ كۋاسى بولعانىن ايتتى. سقو پوليتسيا دەپارتامەنتىنىڭ باستىعى پوليتسيا پولكوۆنيگى ايدىن قابدۇلدينوۆتىڭ ايتۋىنشا، عازيز بايتاسوۆتىڭ ەرلىگى باتىرلىق پەن وتانعا ادال قىزمەت ەتۋدىڭ ۇلگىسى رەتىندە قازاقستان پوليتسەيلەرىنىڭ ەسىندە ماڭگى ساقتالماق.

قوناقتار، اقساقالدار مەن پوليتسيا قىزمەتكەرلەرى ءبىر مينۋت ۇنسىزدىكپەن ەسكە الىپ، ەسكەرتكىش تاقتانىڭ جانىنا گۇل شوقتارىن قويدى.  

سوڭعى جاڭالىقتار

شقو-دا الىپ بالا دۇنيەگە كەلدى

ايماقتار • 27 قاڭتار، 2023

ۇقساس جاڭالىقتار