كاسىپكەرلەردىڭ قۇقىن قورعاۋدا وڭدى ىستەر بار

پارلامەنت ءماجىلىسىنىڭ دەپۋتاتى قۋانىش سۇلتانوۆتىڭ توراعالىعىمەن باس پروكۋراتۋرانىڭ زاڭدىلىقتى قامتاماسىز ەتۋ ماسەلەلەرى جونىندەگى قوعامدىق كەڭەسىنىڭ كەزەكتى وتىرىسى بولىپ ءوتتى, وندا كاسىپكەرلەردىڭ قۇقىقتارىن قورعاۋ ماسەلەلەرى تالقىلاندى. جينالىس جۇمىسىنا ۇلتتىق كاسىپكەرلەر پالاتاسى جانە وڭىرلىك دامۋ مينيسترلىگىنىڭ وكىلدەرى قاتىستى. كەڭەس توراعاسى ق.سۇلتانوۆ اتاپ وتكەندەي, اكىم­شىلىك كەدەرگىلەردى ازايتۋ جانە بيزنەستى زاڭسىز ارالاسۋدان قورعاۋدىڭ كەپىلدىگىن قامتاماسىز ەتۋ بويىنشا ماقساتقا باعىتتالعان شارالار قابىلدانۋدا. مەملەكەت باسشىسى «قازاقستان جولى – 2050: ءبىر ماقسات, ءبىر مۇددە, ءبىر بولاشاق» تاقىرىبىنداعى ءوز جولداۋىندا بيزنەستى دامىتۋعا بارىنشا قولايلى جاعداي جاساۋعا تاعى دا نازار اۋداردى. كاسىپكەرلىك قىزمەت ءۇشىن جاعدايدى تۇبەگەيلى جاقسارتۋ دەگەنىمىز, مەملەكەت پەن بيزنەستىڭ سەرىكتەستىك قارىم-قاتىناسىن, قولايلى بيزنەس-كليماتتى قالىپتاستىرۋ, انىقتاۋ جانە جازالاۋ ساياساتىنان ادال نيەتتى كاسىپكەرلەردى ەسكەرتۋ جانە كوتەرمەلەۋگە ءوتۋ بويىنشا رەفورمالار جاساۋدى بىلدىرەدى. مەملەكەت باسشىسىنىڭ «قازاقستان رەسپۋبليكاسىندا كاسىپكەرلىك قىزمەت ءۇشىن جاعدايدى جاقسارتۋ جونىندەگى تۇبەگەيلى شارالار تۋرالى» جارلىعىن ءجۇ­زەگە اسىرۋ ماسەلەلەرى پروكۋرا­تۋرا ورگاندارىنىڭ ەرەكشە باقى­لاۋىندا تۇر, ول بويىنشا اعىمداعى جىلدىڭ ساۋىرىنەن باس­تاپ شاعىن جانە ورتا كاسىپكەرلىك سۋبەكتىلەرىن تەكسەرۋ توقتاتىلدى. تەكسەرىستەر توقتاتىلعان ۋاقىتتان بەرى مەملەكەتتىك ورگاندار باستاماشى بولعان 3 تەكسەرىس تىركەلگەن, ال وسىعان دەيىن جىل بويىنا ورتا ەسەپپەن 200 مىڭ شاماسىندا تەكسەرىس جۇرگىزىلىپ كەلگەن. پرو­كۋ­راتۋرا ورگاندارى تەكسەرىس تاعاي­ىن­داۋ تۋرالى 10 اكتىنى تەكسەرۋ­دەن باس تارتتى. موراتوري تالاپ­تارىن بۇزعاندارى ءۇشىن 11 لاۋازىم­دى تۇلعا جاۋاپكەرشىلىككە تارتىلدى. موراتوري ەنگىزۋدەن كۇتىلەتىن باستى ناتيجە بيزنەستى دامىتۋعا ىڭعايلى جاعداي جاساۋ جانە اكىم­شىلىك اۋىرتپالىقتى ازايتۋ بولىپ تابىلادى. سونىمەن قاتار, جي­نالىستا اتالىپ وتىلگەندەي, مەم­لەكەتتىڭ باستاماسىن كاسىپ­كەر­لەردىڭ دۇرىس ءتۇسىنۋى جانە زاڭدى­لىق­تى مۇلتىكسىز ساقتاۋدىڭ دا ماڭىزدىلىعى ەرەكشە. «ەگەمەن-اقپارات».