مەۆلۇت چاۆۋشوعلۋ كونسۋلدىقتىڭ اشىلۋى كوپتەگەن ماسەلەلەردىڭ شەشىلۋىنە جانە ەكى حالىقتىڭ باۋىرلاستىعىن نىعايتۋعا ىقپال ەتەتىنىن اتاپ ءوتتى.
سونداي-اق جاقىن ارادا تۇركىستاندا تۇركيانىڭ باس كونسۋلدىعى اشىلادى. تۇركيادان كەلگەن قوناق شىمكەنت قالاسىنىڭ اكىمىمەن بىرگە تۇرىك قوعامىنىڭ وكىلدەرىمەن كەزدەستى.
ء«بىز شىمكەنتتەگى تۇركيا كونسۋلدىعىنىڭ اشىلۋىنا كەلدىك. جاقىندا تۇركىستاندا تۇركيانىڭ باس كونسۋلدىعىن اشامىز. باۋىرلاس قازاقستاندىقتار مەن تۇركيا اراسىندا ساپالى قىزمەت كورسەتىلەدى دەپ سەنەمىز. ءبىزدى جاقسى قابىلداعانىنا وتە قۋانىشتىمىز, كوپ راحمەت», دەدى تۇركيا سىرتقى ىستەر ءمينيسترى مەۆلۇت چاۆۋشوعلۋ.
سونداي-اق تۇركيانىڭ سىرتقى ىستەر ءمينيسترى قازاقتار مەن تۇرىكتەردىڭ عاسىرلار بويى باۋىرلاس حالىق بولعانىن, ولاردىڭ دوستىعى جىلدار وتكەن سايىن نىعايا تۇسەتىنىن اتاپ ءوتتى.
«قازاقستان پرەزيدەنتى تۇركياعا كەلگەندە مەملەكەت باسشىسىمەن بىرگە دوستىعىمىزدى نىعايتۋ ماقساتىندا كوپتەگەن كەلىسىمدەرگە قول قويدىق. ءبىز استانادا دا ماڭىزدى قۇجاتتارعا قول قويدىق, قالاي قاراساڭىز دا, ءبىز باۋىرلاس حالىقپىز, دوستىعىمىز بۇدان ءارى نىعايا تۇسەدى», دەدى تۇركيا سىرتقى ىستەر ءمينيسترى.
