قحر دەنساۋلىق ساقتاۋ جانە گيگيەنا ماسەلەلەرى جونىندەگى مەملەكەتتىك كوميتەتىنىڭ دەرەكتەرىنە سايكەس, وتكەن تاۋلىكتە قىتايدا كوروناۆيرۋس جۇقتىرۋدىڭ 9 مىڭنان استام جاڭا جاعدايى تىركەلدى. ونىڭ ىشىندە گۋانچجوۋدا - 2,5 مىڭنان استام ادام, چۋنتسيندە – 750-دەن استام ادام, بەيجىڭدە - 100-گە جۋىق ادام قاۋىپتى ۆيرۋس جۇقتىرعان.
ۆەدومستۆونىڭ مالىمەتىنشە, 9 مىڭنان استام ادامنىڭ 85%-ىندا اۋرۋ بەلگىلەرى انىقتالماعان.
سوڭعى كۇندەرى بەيجىڭدە ينفەكتسيا جۇقتىرۋ دەرەكتەرىنىڭ وسكەنى بايقالدى. قىتاي استاناسىندا ينفەكتسيا قاۋپى جوعارى 200-گە جۋىق تۇرعىن ءۇي بار.
ايتا كەتسەك, وسى جىلدىڭ تامىز ايىنان باستاپ شىڭجاڭ - ۇيعىر اۆتونوميالىق اۋدانىندا كۇردەلى ەپيدەميولوگيالىق جاعداي بايقالادى. وتكەن تاۋلىكتە شىڭجاڭدا COVID-19 ينفەكتسياسىنىڭ 700-گە جۋىق جاعدايى انىقتالدى. جاعدايلاردىڭ باسىم كوپشىلىگى ءۇرىمشى قالاسىنا تيەسىلى.
