«ويىن بيزنەسىنە قاتىسى بار بارلىق پوليتسيا قىزمەتكەرلەرىنە تەكسەرۋ جۇرگىزىلدى. ءىس جۇزىندە 88 پوليتسيا قىزمەتكەرى انىقتالدى. ال, الماتى وبلىسى پروكۋراتۋراسىنىڭ مالىمەتى بويىنشا, 97 پوليتسيا قىزمەتكەرى انىقتالعان. ولاردىڭ 17-ءسى بۇرىن ىشكى ىستەر ورگاندارىنان بوساتىلعان. «قۇقىق قورعاۋ قىزمەتى تۋرالى» زاڭ تالاپتارى بويىنشا ويىن بيزنەسىمەن اينالىسقان قىزمەتكەرلەرگە قاتىستى تارتىپتىك شارالار قولدانىلدى», دەلىنگەن ۆەدومستۆو مالىمەتىندە,
سونداي-اق ءىىم بارلىق باسشىلىقپەن جانە ىشكى ىستەر ورگاندارىنىڭ قىزمەتكەرلەرىمەن زاڭناما تالاپتارىن ساقتاۋ بويىنشا پروفيلاكتيكالىق جۇمىستار جۇرگىزدى.
دەگەنمەن, ىشكى ىستەر مينيسترلىگى اتالعان 88 قىزمەتكەردىڭ كىم ەكەنىن, قانداي قىزمەت اتقارعانىن, جىلدىق جالاقىسى قانشا, ويىنحانادا قانشا ۇتىلعانىن ايتۋدان باس تارتتى.
بۇعان دەيىن ىشكى ىستەر ءمينيسترى مارات احمەتجانوۆ تەرگەۋ تەك قازىرگى قىزمەتكەرلەرگە عانا ەمەس, بۇرىنعى قىزمەتكەرلەرگە دە قاتىستى جۇرگىزىلىپ جاتقانىن ايتقان ەدى.
ەسكە سالايىق, بۇعان دەيىن الماتى وبلىسىنىڭ پروكۋراتۋراسى تەكسەرۋ جۇرگىزىپ, ءار وبلىس پەن باسقارمالاردان كەلگەن 305 مەملەكەتتىك قىزمەتكەردىڭ مەملەكەتتىك قىزمەتتە جۇمىس ىستەگەن كەزىندە ويىنحانادا 507 ميلليون تەڭگە جۇمساعانىن انىقتاعان بولاتىن.
«الماتى وبلىسى پوليتسيا دەپارتامەنتى قىزمەتكەرلەرىنىڭ قۇمار ويىندارعا قاتىسۋى انىقتالدى. جىلدىق تابىسى 3 ميلليون تەڭگەدەن اسپايتىن قازاقبەكوۆ د.ا. «بومبەي» ويىنحاناسىنا 76 رەت بارىپ, 15 ميلليون تەڭگە جۇمساعان. جىلدىق تابىسى 1,5 ملن تەڭگەنى قۇرايتىن باقىتوۆ ا.ب. «Astoria» كازينوسىنا 13 رەت بارىپ, 23 ملن تەڭگە كولەمىندە قارجى جاراتقان», دەلىنگەن پروكۋراتۋرانىڭ قۇجاتىندا.
