قوستاناي وبلىسى رۋدنىي قالاسىنىڭ تۇرعىنى 2022 جىلدىڭ ماۋسىم ايىندا جۇمىس ۋاقىتىندا جۇك كولىگىنەن سەكىرەمىن دەگەندە, الدىڭعى جاراقاتىنىڭ سالدارىنان اياعى جانسىزدانىپ, جۇك كولىگىنىڭ استىنا وڭ اياعىمەن قۇلاپ, اۋىر جاراقات الادى. سول مەزەتتە جەدەل جاردەم شاقىرىلىپ, ازامات جەرگىلىكتى كوپسالالى اۋرۋحاناعا جەتكىزىلگەن.
5 اي ۋاقىت ارالىعىندا اۋرۋحانادا بولعان ناۋقاستىڭ اياعىن ساقتاپ قالۋ ءۇشىن وعان يليزاروۆ اپپاراتى قويىلىپتى. سونىمەن قاتار وسى ارالىقتا بىرنەشە اۋىر وتا جاسالىندى. پاتسيەنتتى ءارى قاراي ەمدەۋ ماقساتىمەن رۋدنىي قالاسىنىڭ كوپسالالى اۋرۋحانا دارىگەرلەرى تەلەمەديتسينا ارقىلى اكادەميك ن.ج.باتپەنوۆ اتىنداعى ۇلتتىق عىلىمي تراۆماتولوگيا جانە ورتوپەديا ورتالىعىنىڭ ماماندارىمەن بايلانىسقان. پاتسيەنت جايلى تولىق اقپارات ناقتىلانعان سوڭ, ونى استانا قالاسىنا جەتكىزۋ ۇسىنىلدى.
ء«سويتىپ, قازان ايىنىڭ سوڭىندا پاتسيەنتتى ءبىزدىڭ ورتالىققا جەتكىزگەننەن كەيىن, بولىمشە دارىگەرلەرى ونى تولىق قاراپ, ونىڭ جاعدايىن ويلاستى. كونسيليۋم بارىسىندا الدىمەن تەرى ترانسپلانتاتسياسىن جاسايمىز, سودان سوڭ ناۋقاسقا وسىعان دەيىن ورناتقان يليزاروۆ اپپاراتىن شەشىپ, وڭ اياعىنا باسقا جولمەن بەكىتۋ تۋرالى شەشىم قابىلداندى. جانە دە, ايتا كەتۋ كەرەك, ەمنىڭ ءبارى ءمامس جۇيەسى شەڭبەرىندە جاسالىنىپ جاتىر», دەيدى اكادەميك ن.ج.باتپەنوۆ اتىنداعى ۇلتتىق عىلىمي تراۆماتولوگيا جانە ورتوپەديا ورتالىعىنىڭ №4 تراۆماتولوگيا بولىمشەسىنىڭ دارىگەرى ءاليا اتاپيلەۆا.
