«قاراۋعا ۇسىنىلعان اتالمىش زاڭ جوباسى اكىمشىلىك-اۋماقتىق قۇرىلىمدى قايتا قۇرۋ جانە ءۇش جاڭا وبلىستى قۇرۋ جاعدايىندا ازىرلەندى. ورتا مەرزىمدى كەزەڭدە وڭىرلىك ساياساتتىڭ جالپىۇلتتىق باسىمدىعى - ءاربىر ازامات ءۇشىن زاڭنامالىق كەپىلدەندىرىلگەن بازالىق قىزمەتتەر دەڭگەيىندە «تەڭگەرىمدى اۋماقتىق دامۋدى» قامتاماسىز ەتۋ», دەدى ۇلتتىق ەكونوميكا ءمينيسترى الىبەك قۋانتىروۆ سەناتتىڭ جالپى وتىرىسىندا.
ونىڭ ايتۋىنشا, جالپى سيپاتتاعى جاڭا ءۇش جىلدىق ترانسفەرتتەر وسى مىندەتتى شەشۋگە, ونىڭ ىشىندە بيۋدجەتارالىق قاتىناستاردى جەتىلدىرۋ بويىنشا جەكەلەگەن تاسىلدەردى قولدانۋ جولىمەن باعىتتالعان.
«تاسىلدەردىڭ ءبىرىنشى باعىتى وڭىرلەردىڭ دەربەستىگىن ودان ءارى ارتتىرۋعا باعىتتالعان. وتكەن جىلى ۇكىمەت جەرگىلىكتى بيۋدجەتتەردىڭ كىرىستەرىن بولجاۋ ءادىسناماسىن جەتىلدىرۋ بويىنشا جۇمىس جۇرگىزدى. پارلامەنت جانە ەسەپ كوميتەتى دەپۋتاتتارىنىڭ ۇسىنىمدارى بويىنشا وڭىرلەردىڭ سالىق الەۋەتىن ەسەپكە الۋ تاسىلدەرى ازىرلەندى. بولجام بويىنشا وڭىرلەردىڭ كىرىستەرى 2025 جىلى 6,1 ترلن تەڭگەگە دەيىن نەمەسە 30%-عا وسەدى. ۇكىمەت جەرگىلىكتى بيۋدجەتتەردىڭ كىرىس بازاسىن نىعايتۋ بويىنشا جۇمىس ىستەۋدى جالعاستىرىپ كەلەدى», دەپ اتاپ ءوتتى مينيستر.
