قازاقستان قۇراماسى كەزدەسۋدە جىلدام ەسەپ اشتى. كوزگە تۇسكەن دۋگلاس ەدى. ءارى قاراي جاس ويىنشى ءابىراسۋل ءابدىماناپ ۇلى ەسەپتى ەسەلەپ, ۇلتتىق قۇراماداعى العاشقى گولىن سوقتى. ءبىرىنشى تايم ارنولد كناۋبتىڭ شەبەر سوققىسىمەن اياقتالدى. ەسەپ – 3:0.
ەكىنشى تايم باستالعان ساتتەن ريكاردو كاكا شاكىرتتەرى تاعى دا جىلدام گول سوقتى. البەرت اقبالىقوۆقا ەسەپتى وزگەرتۋ ءۇشىن نەبارى 35 سەكۋند قاجەت بولدى. ءارى قاراي ەۋرو-2022 ۇزدىك سۇرمەرگەنى ءبىرجان ورازوۆ 12 سەكۋند ىشىندە ەكى مارتە قارسىلاستىڭ قاقپاسىنان ساڭىلاۋ تاۋىپ, جىلدام سوعىلعان دۋبل اۆتورى اتاندى.
ويىن ناتيجەسىن شابۋىلشى ازات ۆاليۋللين تۇيىندەدى. ەسەپ – 7:0.
قازىر قازاقستان قۇراماسى توعىز ۇپايمەن ءوز توبىندا ءبىرىنشى ورىندا تۇر. ەندى كەلەسى كەزدەسۋ 2023 جىلدىڭ 8 ناۋرىزىندا سىرت الاڭدا سلوۆەنياعا قارسى وتەدى.
