ەۋرازيالىق ەكونوميكالىق وداق ەلدەرى تەڭ قۇقىلى

استانا. 28 مامىر. ەۋرازيالىق ەكونوميكالىق وداقتىڭ باستى قۇجاتى قاتىسۋشى مەملەكەتتەردىڭ ەكونوميكالىق قىزمەتىن تەڭ قۇقىلى جاعدايدا جۇرگىزۋدى قامتاماسىز ەتەدى.  ەكونوميكا جانە بيۋدجەتتى جوسپارلاۋ مينيسترلىگى سالىق جانە كەدەندىك ساياسات دەپارتامەنتى كەدەندىك ساياسات باسقارماسىنىڭ باسشىسى ەرجان جامبىلوۆ بۇقارالىق اقپارات قۇرالدارىنا بەرگەن سۇحباتىندا وسىلاي دەدى. بۇل تۋرالى Bnews.kz حابارلادى. ەرجان جامبىلوۆ: «وداقتى قۇرۋ تۋرالى كەلىسىم-شارت پەن وداق اياسىنداعى حالىقارالىق كەلىسىم-شارتتار تاۋارلار مەن قىزمەتتەردىڭ, كاپيتال جانە جۇمىس كۇشتەرىنىڭ ەركىن قوزعالىسىن قامتاماسىز ەتەدى», – دەدى. ەۋرازيالىق ەكونوميكالىق وداققا مۇشە مەملەكەتتەردىڭ اۋماعىندا ورتاق قۇقىقتىق جاعدايدا ەكونوميكالىق قىزمەتتى جۇرگىزۋگە مۇمكىن بولاتىنى كەلىسىم-شارتتا كورسەتىلەدى. اتاپ ايتقاندا, ەۋرازيالىق ەكونوميكالىق وداق قۇرۋ تۋرالى كەلىسىم-شارت جوباسىنا سايكەس, اتالعان وداقتىڭ كەدەندىك كودەكسى, كەدەندىك قارىم-قاتىناستاردى رەتتەيتىن حالىقارالىق كەلىسىمشارتتار مەن اكتىلەرگە, سونداي-اق, قازىرگى شارتتىڭ ەرەجەلەرىنە سايكەس بىرىڭعاي كەدەندىك رەتتەۋ جۇزەگە اسىرىلادى دەپ كۇتىلۋدە. وسى جۇمىستار بويىنشا كەدەندىك كودەكستى ازىرلەۋگە دايىندىق جۇرگىزىلىپ جاتىر. جولدىباي بازار. دەرەككوز: Bnews.kz. فوتو: elarna.kz.