ۆيدەو الماتىدا ءتۇسىرىلىپ, egovpress Telegram ارناسىندا جاريالانعان. كادرلاردا كولىك جۇرگىزۋشىسىنىڭ جولدى كەسىپ وتكەنى, جول قوزعالىسىنىڭ باسقا قاتىسۋشىلارىن باسىپ وزعانى, اۆتوبۋس جولاعىندا قالاي درەيفكە شىققانى كورسەتىلگەن.
سونداي-اق جول كولىك ەرەجەسىن ءبىر ەمەس, بىرنەشە ادام بۇزعانى بەلگىلى بولدى. اتالعان بەينەجازبانىڭ تولىق نۇسقاسى «قازاقستاننىڭ التىن جاستارى - قالاداعى زاڭسىزدىق!» دەگەن اتاۋمەن رەسەيلىك بلوگەردىڭ MAJORKA YouTube-كانالىندا جاريالاندى.
الماتى قالالىق ءىىد ءباسپاسوز قىزمەتى جەرگىلىكتى پوليتسيا باسقارماسىنىڭ تەرگەۋ ءبولىمى الەۋمەتتىك جەلىدە پايدا بولعان دابىل بويىنشا ارەكەت ەتۋ اياسىندا تەكسەرۋ جۇرگىزدى. ناتيجەسىندە جول قوزعالىسى ەرەجەسىن ورەسكەل بۇزعان 6 جۇرگىزۋشى جاۋاپكەرشىلىككە تارتىلدى:
«لەكسۋس» اۆتوكولىگىن باسقارعان 1998 جىلى تۋعان ازاماتىنا قاتىستى قر اقبتك-ءنىڭ 595-بابىنىڭ 1-بولىگى (3 حاتتاما), 590-بابىنىڭ 1-بولىگى بويىنشا اكىمشىلىك قۇقىق بۇزۋشىلىق تۋرالى حاتتامالار قۇرىلدى;
«BMW X5» ماركالى اۆتوكولىگىن باسقارعان 1993 جىلى تۋعان ازاماتقا قاتىستى اقبتك-ءنىڭ 595-بابىنىڭ 1-بولىگى (2-حاتتاما), 590-بابىنىڭ 1-بولىگى, 601-بابىنىڭ 1-بولىگى بويىنشا اكىمشىلىك قۇقىق بۇزۋشىلىق تۋرالى حاتتامالار جاسالدى;
«Range Rover» اۆتوكولىگىن باسقارعان 1987 جىلى تۋعان ازاماتقا قاتىستى اقبتك-ءنىڭ 595-بابىنىڭ 1-بولىگى (3 حاتتاما), 590-بابىنىڭ 1-بولىگى بويىنشا اكىمشىلىك قۇقىق بۇزۋشىلىق تۋرالى حاتتامالار جاسالدى;
«Toyota Land Cruiser 200» اۆتوكولىگىن باسقارعان 1999 جىلى تۋعان ازاماتقا قاتىستى اقبتك-ءنىڭ 595-بابىنىڭ 1-بولىگى (3 حاتتاما) بويىنشا اكىمشىلىك قۇقىق بۇزۋشىلىق تۋرالى حاتتاما تولتىرىلدى;
«Hyundai Sonata» اۆتوكولىگىن باسقارعان 2003 جىلى تۋعان ازامات: اقبتك-ءنىڭ 595-بابىنىڭ 1-بولىگى (3 حاتتاما), 590-بابىنىڭ 1-بولىگى بويىنشا اكىمشىلىك قۇقىق بۇزۋشىلىق تۋرالى حاتتامالار قۇرىلدى;
«لەكسۋس 570» ماركالى اۆتوكولىگىن باسقارعان 1994 جىلى تۋعان ازامات: اقبتك-ءنىڭ 595-بابىنىڭ 1-بولىگى (2 حاتتاما), 601-بابىنىڭ 1-بولىگى بويىنشا اكىمشىلىك قۇقىق بۇزۋشىلىق تۋرالى حاتتامالار تولتىرىلدى.
