ۇلتتىق ەكونوميكا مينيسترلىگىنە قاراستى تابيعي مونوپوليالاردى رەتتەۋ كوميتەتى استانا قالاسى مەن قاراعاندى وبلىسى بويىنشا «قازترانگاز ايماق» اق تۇتىنۋشىلارى ءۇشىن تاۋارلىق گازدى بولشەك ساۋدادا وتكىزۋ باعاسىنا ساراپتاما جۇرگىزدى.
2022 جىلدىڭ قىركۇيەگىندە تاريفتىك ۆەدومستۆوسىنىڭ سۇراۋى بويىنشا «قازترانگاز ايماق» اق باعا ساراپتاماسىن جۇرگىزۋ ءۇشىن قاجەتتى قۇجاتتار تىزبەگىن ۇسىنعان ەدى.
ساراپتاما قورىتىندىسى بويىنشا تابيعي مونوپوليالاردى رەتتەۋ كوميتەتى «قازترانگاز ايماق» اق-نىڭ استانا قالاسىنىڭ تۇتىنۋشىلارى ءۇشىن جابدىقتاۋ ۇستەماقىسىن 35,21%-عا, ال قاراعاندى وبلىسىنىڭ تۇتىنۋشىلارى ءۇشىن 32,15%-عا تومەندەتكەن.
«اتقارىلعان جۇمىستاردىڭ ناتيجەسىندە, جابدىقتاۋ ۇستەماقىسىنىڭ دەڭگەيىن تومەندەتۋ بولىگىندە, 2022 جىلعى 4 قاراشادان باستاپ استانا قالاسىنىڭ تۇرعىندارى 1000 م3 ءۇشىن (ققس-سىز) 906 تەڭگەگە, ال قاراعاندى وبلىسىنىڭ تۇرعىندارى 1000 م3 ءۇشىن (ققس-سىز) 1 281,25 تەڭگەگە بۇرىن قولدانىستا بولعان باعادان تومەن تولەيتىن بولادى. بۇل رەتتە, استانا قالاسىندا بۇعان دەيىن 1000 م3 ۇشىن (ققس-سىز) 34 550,69 تەڭگە, قاراعاندى وبلىسىندا 1000 م3 ءۇشىن (ققس-سىز) 36 430,30 تەڭگە مولشەرىندە باعا قولدانىلعان بولاتىن, مۇندا بۇگىندە تومەندەۋ تيىسىنشە 2,62% جانە 3,52% قۇرادى», دەلىنگەن كوميتەت حابارلاماسىندا.
