«بۇگىن ءبىز بىرىمىزگە اعا, بىرىمىزگە باۋىر, ۇجىمدا سىيلاسىمدى ارىپتەسىمىز بولعان قر پرەزيدەنت ءىس باسقارماسى مەديتسينالىق ورتالىعى «وق-جەتپەس» ەمدەۋ-ساۋىقتىرۋ ورتالىعىنىڭ پرەزيدەنتى بولعان قايرات بەركىنباەۆتى اقتىق ساپارعا شىعارىپ سالدىق. بۇل – پرەزيدەنت ءىس باسقارماسى مەديتسينالىق ورتالىق جۇيەسىندەگى ارىپتەستەرى ءۇشىن ورتاق, ورنى تولماس قازا. جان-دۇنيەسى بۇلاقتاي تازا, پاراساتتى مىنەزىمەن, تەرەڭ بىلىمىمەن, قاجىماس قايراتىمەن, ادال ەڭبەگىمەن اينالاسىنا ۇلگى-ونەگە بولعان قادىرلى ارىپتەسىمىزبەن قوشتاسۋ راسىمىنە قازاقستاننىڭ ءار قيىرىنان كوزكورگەن بەلگىلى ازاماتتار قاتىستى», دەپ جازدى الەكسەي تسوي.
سونداي-اق جازبادا قايرات شەرالى ۇلى ءومىرىنىڭ جەتى جىلعا جۋىق ۋاقىتىن وڭالتۋ جانە ەمدەۋ-ساۋىقتىرۋ سالاسىنا ارناعانى ايتىلعان. ول مەديتسينالىق ورتالىق جۇيەسىندەگى ەمدەۋ-ساۋىقتىرۋ ورتالىقتارىنىڭ باسشىسى بولا وتىرىپ, ءوزىن دارىندى ۇيىمداستىرۋشى رەتىندە كورسەتە بىلگەن.
ء«بۇتىن ءبىر اۋلەتتىڭ عانا ەمەس, بارشا اعايىن-جۇرتىنا عانا ەمەس, تۋعان ەلىنىڭ ماقتانىشىنا اينالعان اسقار تاۋداي ارىپتەسىمىزدىڭ جارقىن بەينەسى ۇرپاق جادىنان ەشقاشان وشپەيدى. حالقىمىزدا «جاقسىنىڭ اتى ولمەيدى, عالىمنىڭ حاتى ولمەيدى» دەگەن قاناتتى ءسوز بار. ەل كەلەشەگى جولىندا ايانىپ قالماي, ابىرويلى قىزمەت اتقارعان تۇلعانىڭ سوڭىندا ىزدەۋشىسى, ورەلى ىستەرى مەن ءومىرىن جالعاستىرار ۇلاعاتتى ۇرپاعى بار.
ءبىز, پرەزيدەنت ءىس باسقارماسى مەديتسينالىق ورتالىق جۇيەسىندەگى قاتار جۇرگەن بارشا ارىپتەستەرى قايرات بەركىنباەۆتىڭ وتباسى مەن جاقىن جاندارىنا كوڭىل ايتامىز. ابزال ازاماتتىڭ اسىل بولمىسى, ارداقتى ەسىمى ەشقاشان ۇمىتىلماق ەمەس, جارقىن بەينەسى جۇرەگىمىزدە ماڭگى ساقتالادى», دەلىنگەن جازبادا.
