ء«بىز بۇكىل قوعام بولىپ ەسىرتكىگە قارسى تاباندى تۇردە كۇرەسۋگە ءتيىسپىز. بۇل ۇرپاقتىڭ دەنساۋلىعىن ساقتاۋ ءۇشىن وتە ماڭىزدى. جاستاردىڭ جات قىلىققا بوي الدىرۋىنا جول بەرمەۋىمىز كەرەك. قازىر ەرەسەكتەردىڭ ەرمەگىنە اينالعان ەلەكتروندى تەمەكىگە وقۋشىلار دا اۋەستەنىپ بارادى. مۇنداي تەمەكىنى بالالار دۇكەننەن ەش كەدەرگىسىز ساتىپ الادى. بۇل – قاۋىپتى جاعداي», دەدى مەملەكەت باسشىسى اتىراۋ وبلىسىنىڭ جۇرتشىلىعىمەن كەزدەسۋدە.
بۇدان سوڭ, ول ەلىمىزدە الكوگول ونىمدەرىن 21 جاسقا تولماعان ازاماتتارعا ساتۋعا تىيىم سالىنعانىن ەسكە سالدى. بىراق بۇل تالاپ ءىس جۇزىندە ورىندالا بەرمەيتىنىن اتاپ ءوتتى. وسى سەبەپتى قۇزىرلى ورگاندارعا باقىلاۋدى كۇشەيتۋدى تاپسىردى.
«قوعامدا ەنەرگەتيكالىق سۋسىنداردى جاستارعا ساتۋعا تىيىم سالۋ قاجەتتىگى ءجيى ايتىلادى. ۇكىمەت بۇل ماسەلەنى مۇقيات زەردەلەپ, ناقتى شەشىم قابىلداۋى كەرەك. مۇحتار اۋەزوۆتىڭ «ەل بولامىن دەسەڭ, بەسىگىڭدى تۇزە» دەگەن ءسوزى بار. ءبىز ۇرپاقتىڭ دەنساۋلىعىن جانە تاربيەسىن بۇگىن ويلاماساق, ەرتەڭ كەش بولۋى مۇمكىن», دەدى پرەزيدەنت.
