ۆەدومستۆو مالىمەتىنشە, ءورت تولە بي كوشەسى, 24 ۆ عيماراتىنان شىققان. الماتى قالاسى تجد كۇشتەرى مەن قۇرالدارى اتالعان مەكەنجايعا كەشە ساعات 18:45-تە شاقىرتۋ العان. ولار قاتتى ءورتتى 11 مينۋتتا وقشاۋلاعان.
ء«ورت سوندىرۋشىلەر وقيعا ورنىنا 3 مينۋتتا كەلىپ جەتتى. بەس قاباتتى اكىمشىلىك عيماراتتىڭ شاتىرى وتقا ورانىپ جاتتى. وتتىڭ جاپسارلاس ورنالاسقان, قىزۋ جۇمىس ىستەپ جاتقان ەكى قاباتتى مەيرامحانا عيماراتىنا ۇلاسۋ قاۋپى تۋىندادى. اعاشپەن قاپتالعان بۇل عيماراتتىڭ وت تيسە, ءاپ ساتتە ورتەنىپ كەتۋ ىقتيمالدىلىعى جوعارى ەدى. ءورتتى ءسوندىرۋ بارىسىندا 20 تۇتىنۋشى مەن 15 قىزمەتكەر ەۆاكۋاتسيالاندى. ءورتتى ءسوندىرۋ كەزىندە ورتپەن كۇرەستىڭ ەكى ۋچاسكەسى قۇرىلدى, ءورت وقپاندارى قولدانىلدى, 90 مەترلىك «اقتپ» ءورت ءسوندىرۋ اۆتوساتىسى كوتەرىلدى», دەلىنگەن حابارلامادا.
ساعات 19:25-تە 50 شارشى مەتر اۋماقتى قامتىعان جالىن تولىعىمەن جويىلعان. وقيعا سالدارىنان زارداپ شەككەندەر جوق.
