يران يسلام رەسپۋبليكاسىنىڭ ۇكىمەتى 2022 جىلعى 11 قاراشادان باستاپ ەكى ەل اراسىنداعى قاتىناستاردى دامىتۋ جانە نىعايتۋ ماقساتىندا قازاقستان ازاماتتارى ءۇشىن ۆيزاسىز رەجيم ەنگىزەدى, بۇل ءبىزدىڭ ازاماتتارىمىزعا يراننىڭ اۋماعىندا 14 كۇنگە دەيىن بولۋعا مۇمكىندىك بەرەدى.
وسىعان ۇقساس ەرەجە قازاقستانعا ساپارمەن كەلگەن يران, قىتاي جانە ءۇندىستان ازاماتتارىنا دا قولدانىلادى.
«قازاقستان ۇكىمەتىنىڭ 2022 جىلعى 7 شىلدەدەگى №464 قاۋلىسىمەن قولايلى ينۆەستيتسيالىق احۋالدى قالىپتاستىرۋ, ىسكەرلىك بايلانىستاردى جانداندىرۋ جانە ەلىمىزدىڭ تۋريستىك الەۋەتىن ودان ءارى جۇزەگە اسىرۋ ماقساتىندا يران, قىتاي مەن ءۇندىستاننىڭ ازاماتتارى ءۇشىن ۆيزاسىز كىرۋ ءتارتىبى ەنگىزىلدى. وسى شەشىم اتالعان شەت ەلدەردىڭ ازاماتتارىنا قازاقستان اۋماعىندا كۇنتىزبەلىك 14 كۇنگە دەيىن, 180 كۇنتىزبەلىك كۇندى قامتيتىن ءاربىر كەزەڭ ىشىندە جالپى العاندا 42 كۇنگە دەيىن ۆيزاسىز بولۋعا مۇمكىندىك بەرەدى», دەدى ايبەك سمادياروۆ استانادا وتكەن بريفينگتە.
