وقيعا 5 قاراشادا ورىن العان. تولەبي اۋداندىق پوليتسيا بولىمىنە جەدەل جاردەمنەن ءجاسوسپىرىمنىڭ ءوز ءۇيىنىڭ اۋلاسىنداعى مال قورادا جىپكە اسىلىپ قايتىس بولعانى تۋرالى حابارلاما كەلىپ تۇسكەن.
«اقپارات الىسىمەن پوليتسەيلەر بىردەن وقيعا ورنىنا بارىپ, تەكسەرۋ جۇمىستارىن جۇرگىزدى. سىرتتاي قاراۋ بارىسىندا مايىتتە زورلىق-زومبىلىق بەلگىلەرى نە بولماسا باسقا دا دەنە جاراقاتتارى تابىلمادى. ال ءولىم سەبەبىن انىقتاۋ ءۇشىن سوت-مەديتسينالىق ساراپتاماسى تاعايىندالدى», دەلىنگەن حابارلامادا.
اتالعان جايت قر قك-ءنىڭ 105-ءبابى «وزىن-ءوزى ولتىرۋگە دەيىن جەتكىزۋ» بويىنشا تىركەلىپ, قىلمىستىق ءىس قوزعالعان. تەرگەۋشىلەر ءجاسوسپىرىمنىڭ جاقىندارىنان, مەكتەپ ۇجىمى مەن وقۋشىلاردان جاۋاپ الىپ جاتىر. قازىر وقيعانىڭ تولىق ءمان-جايى انىقتالۋدا.
