ناۋقاستىڭ ءبىرى 1991 جىلى تۋعان ازامات. اۋرۋحاناعا كەۋدە تۇسىنان العان پىشاق جاراقاتىمەن تۇسكەن. قازىرگى ۋاقىتتا ول مامانداندىرىلعان بولىمگە اۋىستىرىلدى. جاعدايى تۇراقتى. ال 1984 جىلعى تاعى ءبىر ناۋقاس دەنە جانە ءىش قۋىسىنان پىشاق جاراقاتىن العان. وعان وتا جاسالىپ, رەانيماتسيادا جاتىر.
دارىگەرلەردىڭ ايتۋىنشا, ناۋقاستىڭ جاعدايى وتە اۋىر, قازىر جاساندى تىنىس الۋ اپپاراتىنا قوسىلىپتى.
سونداي-اق 1987 جىلى تۋعان ناۋقاستىڭ دا جاعدايى ءسوز بولدى. مامانداردىڭ ايتۋىنشا, ول اۋرۋحاناعا باستىڭ جەلكە تۇسىنىڭ كەسىلگەن جارالارى جانە وڭ جاق جاۋىرىنداعى جاراقاتىمەن جەتكىزىلگەن. ناۋقاس تراۆماتولوگيا بولىمىندە جاتىر, جاعدايى تۇراقتى. تاعى ءبىر ناۋقاس تەكسەرىستەن كەيىن امبۋلاتورلىق ەمدەلۋگە كەتتى.
الماتى وبلىسىنىڭ پوليتسەيلەرى دە ناۋقاستاردىڭ تۇرمىستىق جانجال كەزىندە جاراقات العانىن راستاپ وتىر. زارداپ شەككەندەردىڭ ءبىرى العان جاراقاتتارىنان قايتىس بولدى.
ءىس 99-باپتىڭ 2-ءبولىمى «بۇزاقىلىق نيەتپەن ءبىر توپ ادام جاساعان ەكى نەمەسە ودان دا كوپ ادامدى ءولتىرۋ» بويىنشا تەرگەلۋدە.
ەسكە سالايىق, بۇعان دەيىن ەسىكتەگى اۋرۋحاناعا بەس ادامنىڭ جاراقاتپەن تۇسكەنى, ءبىر ادامنىڭ قايتىس بولعانى بەلگىلى بولعان ەدى.
