4 قاراشا كۇنى الماتى وبلىسى پد ۇيىمداسقان قىلمىسقا قارسى كۇرەس باسقارماسى قىزمەتكەرلەرى ءۇش ەر ادامدى ۇستاعان. ولاردان 100 كەلىدەن استام اقبوكەن ءمۇيىزى تابىلعان. كۇدىكتىلەر قاماۋعا الىندى.
«جەدەل جۇمىس بارىسىندا ۇستالعانداردان 953 دانا اقبوكەن ءمۇيىزى تاركىلەندى. ولارعا قاتىستى قر قك-ءنىڭ 339-بابى بويىنشا (سيرەك كەزدەسەتىن جانە قۇرىپ كەتۋ قاۋپى تونگەن, سونداي-اق پايدالانۋعا تىيىم سالىنعان وسىمدىكتەر نەمەسە جانۋارلار تۇرلەرىمەن, ولاردىڭ بولىكتەرىمەن نەمەسە دەريۆاتتارىمەن زاڭسىز اينالىسۋ) قىلمىستىق ءىس قوزعالدى», دەدى الماتى وبلىسى پد ۇققكب باستىعى ابىلعازى تولەپبەرگەنوۆ.
