جيىنعا مەملەكەتتىك ورگاندار, ۇلتتىق كومپانيالار مەن سالالىق كاسىپورىنداردىڭ باسشىلارى قاتىسقان.
تالقىلانعان ماسەلەلەر - ماشينا جاساۋ سالاسىن دامىتۋدىڭ كەشەندى جوسپارى, ۆاگون جاساۋدى دامىتۋ جونىندەگى جول كارتاسىن ازىرلەۋ جانە الەۋمەتتىك ۇشجاقتى ارىپتەستىك جونىندەگى سالالىق كوميسسيانىڭ جۇمىسىنىڭ تيىمدىلىگىن ارتتىرۋ.
پرەمەر-مينيستر سالانى قولداۋ جونىندەگى باستامالاردى ماقۇلدادى. ول جەرگىلىكتى قامتۋدى دامىتۋدى نارىقتىق قۇرالدار: وففتەيك جانە وفسەتتىك كەلىسىمشارتتار ەسەبىنەن ىنتالاندىرۋ قاجەت ەكەنىن ايتتى.
بۇدان باسقا, عىلىمي-ونەركاسىپتىك كلاستەرلەردى قۇرۋ, ماشينا جاساۋ كاسىپورىندارىن شيكىزاتپەن, قولجەتىمدى كرەديتتىك رەسۋرستارمەن جانە باسقا دا ىنتالاندىرۋ شارالارىمەن قامتاماسىز ەتۋ ماسەلەلەرى قارالدى.
ءاليحان سمايىلوۆ مەملەكەتتىك ورگاندارعا ولاردى ەگجەي-تەگجەيلى پىسىقتاۋدى تاپسىردى.
«قازاقستان ماشينا جاساۋشىلار وداعى» زتب باسشىسى مەيرام پىشەمباەۆ, «قازاقستان ينجينيرينگ» ۇك» اق باسشىسى تەمىرجان ءابدىراحمانوۆ, «قازەنەرگوكابەل» اق باسشىسى ۆلاديمير بوبروۆ, «اتىراۋمۇنايماش» جشس باسشىسى تەمىرلان داركەمباەۆ, «زيكستو» اق باسشىسى رەنات شامسۋتدينوۆ بايانداما جاسادى.
كەڭەس قورىتىندىسى بويىنشا پرەمەر-مينيستر بارلىق ايتىلعان ماسەلەلەر باقىلاۋعا الىناتىنىن اتاپ ءوتتى.
ء«بىز سىزدەرمەن ۇنەمى كەزدەسىپ تۇرامىز. ارا-تۇرا جاڭا ماسەلەلەر تۋىنداپ جاتادى: ولاردىڭ كەيبىرى بويىنشا بىردەن شەشىم قابىلداساق, باسقالارى نورماتيۆتىك-قۇقىقتىق وزگەرىستەردى قاجەت ەتەدى. بىرقاتار پروبلەمالىق ماسەلەلەر بويىنشا ەگجەي-تەگجەيلى زەرتتەۋ جۇرگىزۋ قاجەت. ءبىز وسى ماسەلەلەردى ءوزارا بىرلەسىپ شەشۋگە تىرىسامىز», دەدى ءاليحان سمايىلوۆ وتاندىق ماشينا جاساۋشىلارعا قاراتا ايتقان سوزىندە.
