قاراعاندىداعى ح.ج.ماقاجانوۆ اتىنداعى كوپسالالى اۋرۋحانانىڭ دارىگەرلەرى لەنين اتىنداعى شاحتاداعى اپات كەزىندە زارداپ شەككەن ءتورت كەنشىنىڭ جاعدايىنا تۇسىنىكتەمە بەردى. ۋلى گازبەن ۋلانعان ەكى ناۋقاس توكسيكولوگيا بولىمشەسىندە جاتىر, تاعى ەكەۋى ساناۆياتسيا كومەگىمەن شاحتينسك قالاسىنان قاراعاندى اۋرۋحاناسىنا جەتكىزىلدى. ناۋقاستارعا وتا جاسالدى, سەبەبى ولاردا گازبەن ۋلانۋدان باسقا باس جاراقاتتارى دا بار.
«توكسيكولوگيا بولىمشەسىندەگى پاتسيەنتتەردىڭ جاعدايى تۇراقتى, ناشارلاۋسىز. كەيبىر وڭ ديناميكا بار. ساناۆياتسيا جەلىسى بويىنشا جەتكىزىلگەن جانە وپەراتسيا جاسالعان پاتسيەنتتەردىڭ جاعدايىنا كەلەتىن بولساق, ولاردا وڭ ديناميكا بار. قازىر ولار رەانيماتسيا بولىمىندە جاتىر. ناۋقاستار سانالى, جەلدەتكىشتەردەن الىنعان. قازىرگى ۋاقىتتا ولاردىڭ جاعدايى تۇراقتى», دەپ ءتۇسىندىردى اۋرۋحانا ديرەكتورىنىڭ مەديتسينالىق ءبولىم بويىنشا ورىنباسارى تالعات جۇكەن.
