ستاتيستيكا كورسەتكەندەي, قاتتى ىرىمشىك قاراعاندىنىڭ تۇرعىندارىنا قىمباتقا تۇسەدى, مۇندا اتالعان ءونىمنىڭ ورتاشا باعاسى كيلوگرامىنا 5356 تەڭگە دەڭگەيىندە بەلگىلەندى.
استانادا ىرىمشىكتىڭ ورتاشا باعاسى 4880 تەڭگەنى قۇرادى, الماتىدا ءبىر كيلوگرامم ىرىمشىك ءۇشىن 4700 تەڭگە, ال تارازدا 4782 تەڭگە جۇمساۋ كەرەك.
قوناەۆ قالاسىندا ەل بويىنشا ەڭ ارزان ىرىمشىك ساتىلادى, ونىڭ باعاسى ورتاشا ەسەپپەن 3153 تەڭگەنى قۇرادى.
بيۋرونىڭ مالىمەتىنشە, 8 اي ىشىندە قازاقستاندا 24 409,9 توننا ىرىمشىك پەن سۇزبە وندىرىلگەن, بۇل وتكەن جىلدىڭ سايكەس كەزەڭىمەن سالىستىرعاندا 8,3%-عا از.
بۇل رەتتە قازاقستاندىق ىرىمشىك پەن سۇزبە نەگىزىنەن تمد ەلدەرىنە (رەسەي, ارمەنيا, قىرعىزستان, ازەربايجان, وزبەكستان), سونداي-اق كورەيا مەن موڭعولياعا ەكسپورتتالادى.
ىرىمشىك يمپورتىنىڭ نەگىزگى كولەمى رەسەيدەن, بەلارۋستەن, ۋكراينادان, لاتۆيادان جانە يراننان كەلەدى.
