دەپارتامەنتتىڭ ءباسپاسوز قىزمەتى حابارلاعانداي, تايىنشا اۋدانىندا ورنالاسقان كاسىپورىن قورشاعان ورتاعا تەرىس اسەر ەتۋ بويىنشا قاۋىپتىڭ ءبىرىنشى ساناتىنا جاتادى.
«پروفيلاكتيكالىق باقىلاۋ ناتيجەلەرى بويىنشا ەكولوگيالىق زاڭناما جەتى رەت بۇزىلعان. كاسىپورىن وندىرىستىك ەكولوگيالىق باقىلاۋ جۇرگىزۋ كەزىندە الىنعان دەرەكتەردىڭ ساپاسىن قامتاماسىز ەتپەگەن. كومپانيا ءۇش جۇمىس كۇنى ىشىندە وندىرىستىك ەكولوگيالىق باقىلاۋدى جۇزەگە اسىرۋ بارىسىندا انىقتالعان ەكولوگيالىق زاڭنامانىڭ تالاپتارىن بۇزۋ فاكتىسى تۋرالى اقپارات ۇسىنعان جوق. قورشاعان ورتاعا تەرىس اسەر ەتەتىن اۆتوموبيلدەر مەن وزگە دە كولىك قۇرالدارى ءۇشىن بەلگىلەنگەن شىعارىندىلار نورماتيۆتەرىنىڭ بۇزىلۋىنا, ەميسسيالار نورماتيۆتەرىنىڭ, قالدىقتاردى ەسەپكە الۋ, قالپىنا كەلتىرۋ, جويۋ جانە زالالسىزداندىرۋ جونىندەگى ەكولوگيالىق تالاپتاردىڭ ساقتالماۋىنا جول بەرىلدى», دەپ ءتۇسىندىردى ءباسپاسوز قىزمەتى.
ەكولوگيالىق زاڭنامانى بۇزعانى ءۇشىن زاڭدى تۇلعاعا جالپى سوماسى 15,8 ملن تەڭگەگە ايىپپۇل تۇرىندە التى اكىمشىلىك جازا قولدانىلدى. نۇسقامالاردىڭ ورىندالۋ مەرزىمى اياقتالعان كەزدە ەكولوگتار كاسىپورىندى جوسپاردان تىس تەكسەرۋدەن وتكىزەدى.
