بۇل ماراپاتتىڭ قالامگەرگە قوناەۆ قالاسىندا بەرىلىپ وتىرعانى تەگىن ەمەس. وراز قاۋعاباي ۇزاق جىلدان بەرى مەملەكەت جانە قوعام قايراتكەرى دىنمۇحامەد قوناەۆتىڭ ءومىر جولىن زەردەلى زەرتتەپ, جۇرتشىلىققا ءبىراز دۇنيە ۇسىندى. سونىڭ ىشىندە قالامگەردىڭ «تاڭعاجايىپ قوناەۆ» اتتى رومان-ەسسەسىن ەرەكشە ايتۋعا بولادى. اتالعان تۋىندى 2008 جىلى «قازىعۇرت» باسپاسىنان جارىق كوردى. 2014 جىلى وقىرماندار سۇرانىسىمەن قايتا باسىلدى.
بۇل كىتاپتا تۇعىرلى تۇلعانىڭ اتا-اناسى, بالالىق شاعى, قىزىققا تولى ستۋدەنتتىك ءومىرى, قىزمەت جولى كوركەم باياندالعان. سونىمەن بىرگە قايراتكەردىڭ بىلايعى جۇرتشىلىق بىلە بەرمەيتىن كىسىلىك, قاراپايىمدىلىق, پا-راساتتىلىق قاسيەتتەرى دە كورىنىس تاپقان. اسىرەسە وتىز بەس تاراۋدان تۇراتىن رومانداعى «كەمەڭگەردىڭ كىتاپحاناسى» اتتى بولىمىندە ارداقتى ازاماتتىڭ قاسيەتتى قۇران كىتا-
بىن قالاي ساقتاعانى تۋرالى شىنايى سىر شەرتەدى.
بيىل دىنمۇحامەد قوناەۆتىڭ تۋعانىنا 110 جىل تولدى. وسى ايتۋلى جىل اياسىندا قايراتكەر ءومىرىن زەرتتەپ جۇرگەن قالامگەر ەڭبەگىنىڭ ەسكەرىلۋى – ەل قۇرمەتىنىڭ بەلگىسى.
