كەزدەسۋگە قازاقستان رەسپۋبليكاسى پرەزيدەنتىنىڭ كومەكشىسى – قاۋىپسىزدىك كەڭەسىنىڭ حاتشىسى عيزات نۇرداۋلەتوۆ قاتىستى.
فورۋمدا تمد كەڭىستىگىندەگى قاۋىپسىزدىك پەن تۇراقتىلىقتىڭ زاماناۋي سىن-قاتەرلەرى جاعدايىنداعى ءوزارا ءىس-ارەكەت ماسەلەلەرى زەردەلەندى.
عيزات نۇرداۋلەتوۆ ارىپتەستەرىن قازاقستاننىڭ وڭىرلىك قاۋىپسىزدىكتىڭ نەگىزگى باعىتتارى بويىنشا ۇستانىمى جايىندا حاباردار ەتتى. دالىرەك ايتقاندا, ول اشىق جانە سىندارلى ساياسي-ديپلوماتيالىق ديالوگ كەز كەلگەن داعدارىستان شىعۋدىڭ ءتيىمدى ءارى وڭتايلى جالعىز جولى ەكەنىن جەتكىزدى.
قازاقستاننىڭ قاۋىپسىزدىك كەڭەسىنىڭ حاتشىسى ءوز بايانداماسىندا تمد-نىڭ وڭتۇستىك شەكارالارىنداعى قاۋىپسىزدىكتى قامتاماسىز ەتۋ ءۇشىن اۋعانستانداعى جاعدايدى تەزىرەك رەتتەۋ قاجەتتىگىنە نازار اۋداردى.
ءىس-شارا اياسىندا عيزات نۇرداۋلەتوۆ رەسەي فەدەراتسياسى قاۋىپسىزدىك كەڭەسىنىڭ حاتشىسى نيكولاي پاترۋشەۆپەن ەكىجاقتى كەزدەسۋ وتكىزدى. كەزدەسۋ ناتيجەسىندە ەكى ەلدىڭ قاۋىپسىزدىك كەڭەسىنىڭ اپپاراتتارى اراسىنداعى 2023-2024 جىلدارعا ارنالعان ىنتىماقتاستىق جوسپارىنا قول قويىلدى.
