«وسىنداي ساتتە اكادەميك نۇرلان باتپەنوۆتى ەسكە الا وتىرىپ, ءبىز ۇلى دارىگەرگە, عالىمعا, دەنساۋلىق ساقتاۋ مەن عىلىمدى ۇيىمداستىرۋشىعا, تەوريالىق ءبىلىم مەن سەرپىندى قولدانبالى زەرتتەۋلەردىڭ ماڭىزدىلىعىن تەرەڭ تۇسىنگەن ادامعا قۇرمەت كورسەتەمىز. ونىڭ ءومىر جولى بۇگىنگى جاس زەرتتەۋشى دارىگەرلەر ءۇشىن شابىتتاندىراتىن ۇلگى ەكەنى ءسوزسىز», دەدى اجار عينيات ءبيۋستتىڭ اشىلۋ سالتاناتىندا.
مينيستر اكادەميك ن.ج.باتپەنوۆ اتىنداعى ۇلتتىق تراۆماتولوگيا جانە ورتوپەديا ورتالىعى مەديتسينا عىلىمىندا ەرەكشە ورىن الاتىنىن, بۇل ەلىمىزدىڭ تاۋەلسىزدىگىنىڭ قالىپتاسۋ كەزەڭىندە اشىلعان العاشقى ءىرى عىلىمي مەكەمەلەردىڭ ءبىرى ەكەنىن ەرەكشە اتاپ ءوتتى.
2015 جىلى ن.ج.باتپەنوۆ «ەندوپروتەزدەۋدى قولدانا وتىرىپ, ۇرشىقبۋىن حيرۋرگياسىندا يننوۆاتسيالىق تەحنولوگيالاردى ازىرلەۋ جانە ەنگىزۋ» اتتى جۇمىسى ءۇشىن قازاقستان رەسپۋبليكاسىنىڭ عىلىم جانە تەحنيكا سالاسىنداعى مەملەكەتتىك سىيلىعىنىڭ لاۋرەاتى اتاعىنا يە بولدى.
قازىرگى ۋاقىتتا گەرمانيادا ن. باتپەنوۆتىڭ مودەلى «Kaz Niito» ۇرشىقبۋىنىنىڭ ەندوپروتەزدەرىن شىعارۋ جولعا قويىلعان. شىعىس قازاقستان وبلىسى كاسىپورىندارىنىڭ عىلىمي-وندىرىستىك بازالارىن تارتا وتىرىپ, تراۆماتولوگيا مەن ورتوپەدياعا ارنالعان مەديتسينالىق ماقساتتاعى بۇيىمداردى شىعارۋدا.
«نۇرلان جۇماعۇل ۇلىن بىلەتىن ادامداردىڭ ءوز ەستەلىگى بار. ونىمەن كەزدەسكەن كەزدە مەن ونىڭ كەرەمەت مەيىرىمدىلىگى مەن دانالىعىنا, شىعارماشىلىعىنا جانە ونىڭ اسا زور قابىلەتىنە تاڭعالدىم», دەپ قوستى مينيستر.
اجار عينيات اكادەميك نۇرلان باتپەنوۆ اتىنداعى ۇلتتىق تراۆماتولوگيا جانە ورتوپەديا عىلىمي ورتالىعىنىڭ ۇجىمىن جانە اتى اڭىزعا اينالعان قازاقستاندىق دارىگەردىڭ وتباسىن ەسكەرتكىشتىڭ اشىلۋىمەن قۇتتىقتاپ, ونىڭ ءىسىنىڭ لايىقتى جالعاسىن, كلينيكانىڭ جاس دارىگەرلەرىنە ۇلكەن كاسىپتىك بيىكتەرگە جەتۋىن تىلەدى.
