وسى جىلدىڭ 10 ايىندا ازىق-ت ۇلىك ينفلياتسياسى 20,5%-عا جەتكەن. وتكەن ايدىڭ قورىتىندىسى بويىنشا الەۋمەتتىك ماڭىزى بار ازىق-ت ۇلىك تاۋارلارىنا باعانىڭ ءوسۋى 0,8%-دى قۇرادى. اتاپ ايتقاندا, جۇمىرتقا 7,6%-عا, ۇن 3,9%-عا, كۇرىش 3%-عا, ءسۇت 2,2%-عا قىمباتتادى. سونىمەن قاتار ءبىر اپتا ىشىندە ءسابىز (0,8%), كارتوپ (0,6%), قانت جانە قىرىققابات (0,1%) قۇنى تومەندەگەن.
ازىق-ت ۇلىك ونىمدەرىنىڭ كولەمىنە باعانى تۇراقتاندىرۋ ءۇشىن استىقتى, جەمشوپ بازاسىن جانە كۇنباعىس مايىن ارزانداتۋ ماسەلەسى جوسپارلانۋدا. بۇل رەتتە جۇمىرتقا, وسىمدىك مايى, كۇرىش سياقتى جەكەلەگەن تاۋار پوزيتسيالارى بويىنشا نارىق سۋبەكتىلەرىنىڭ جوسىقسىز ارەكەتتەرى بايقالادى.
«اباي وبلىسىنا بارعان كەزدە سەمەيدەن 200 شاقىرىم جەردە ورنالاسقان قۇس فابريكالارى جۇمىرتقانى وندىعىنا 360-380 تەڭگەدەن ساتقان, ال سوڭعى ساتىپ الۋشىعا ول 600 تەڭگەدەن وتكىزىلگەنى انىقتالدى. وسىعان بايلانىستى مونوپولياعا قارسى ارەكەت ەتۋدىڭ شۇعىل شارالارىن قابىلداۋ قاجەت. سونىمەن قاتار سوڭعى كەزدەرى باسپاسوزدە جەكەلەگەن تاۋار وندىرۋشىلەردىڭ الداعى ۋاقىتتا باعانىڭ كوتەرىلەتىنى تۋرالى مالىمدەمەلەرى جاريالانۋدا. بۇل رەتتە ءتيىستى تۇردە ارەكەت ەتۋ قاجەت», دەدى ساۋدا جانە ينتەگراتسيا ءبىرىنشى ۆيتسە-ءمينيسترى ارمان شاققاليەۆ.
اۋىل شارۋاشىلىعى ءمينيسترى ەربول قاراشوكەەۆ قىزاناق, قيار جانە جۇمىرتقا باعاسىنىڭ ءوسۋ سەبەپتەرىن تالداۋ قورىتىندىلارى, سونداي-اق ولاردىڭ باعاسىن تۇراقتاندىرۋ جونىندەگى ىقتيمال شارالار تۋرالى باياندادى. ول كەيبىر تاۋار وندىرۋشىلەر مەملەكەتتىك سۋبسيديالاۋ كولەمىن ۇلعايتۋدى سۇرايتىنىن اتاپ ءوتتى.
«بيىل اۋىل شارۋاشىلىعىن سۋبسيديالاۋ ەكى ەسەگە ۇلعايتىلدى, بىراق ونى الاتىنداردىڭ ازىق-ت ۇلىك باعاسىن 20%-عا كوتەرگەنىن كورىپ وتىرمىز. مۇنداي جاعدايعا كونە الماسپىز. ەگەر ءبىز سۋبسيديا بەرسەك, وندا ولار قارسى مىندەتتەمەلەر قابىلداۋى كەرەك. سۋبسيديالاۋ جۇيەسى ناقتى جۇمىس ىستەۋى ءتيىس», دەدى ءاليحان سمايىلوۆ.
سونىمەن قاتار پرەمەر-مينيستر ازىق-ت ۇلىك باعاسىن تۇراقتاندىرۋ بويىنشا مەملەكەتتىك ورگانداردىڭ قىزمەتىنە قاتىستى ماڭىزدى ماسەلەلەر بار ەكەنىن اتاپ ءوتتى.
ونىڭ ايتۋىنشا, قىزمەتىن قايتا فورماتتاۋ تاپسىرىلعان باعا بەلگىلەۋ تىزبەگىن تەرگەۋ جونىندەگى وڭىرلىك كوميسسيالاردىڭ جۇمىسىنان ءالى دە ناتيجە جوق جانە كوكونىس ساقتاۋ قويمالارى بويىنشا دەرەكتەر بازاسىن وزەكتەندىرۋ جۇرگىزىلمەگەن.
«بۇل – اكىمدىكتەردىڭ ءالسىز جۇمىسىنىڭ جانە اۋىل شارۋاشىلىعى, ساۋدا جانە ينتەگراتسيا مينيسترلىكتەرى تاراپىنان ۇيلەستىرۋدىڭ جەتكىلىكسىزدىگىنىڭ ناتيجەسى. ءوز مىندەتتەرىن تيىسىنشە ورىنداماعانى ءۇشىن اتالعان وڭىرلەر اكىمدەرىنىڭ جەتەكشىلىك ەتەتىن ورىنباسارلارىن تارتىپتىك جاۋاپكەرشىلىككە تارتۋدى تاپسىرامىن», دەدى ءا. سمايىلوۆ.
پرەمەر-مينيستر ساۋدا جانە ينتەگراتسيا مينيسترلىگىنە وسى باعىتقا جەتەكشىلىك ەتەتىن لاۋازىمدى تۇلعالاردى تارتىپتىك جاۋاپكەرشىلىككە تارتۋعا ۇسىنىس ەنگىزۋدى, سونداي-اق ساۋدا كوميتەتىنىڭ توراعاسىن قىزمەتىنەن بوساتۋدى تاپسىردى.
