«بالقاش اۋدانى اۋماعىندا ءتارتىپ ساقشىلارى زاڭسىز اۋلانعان بالىق, جابايى ۇيرەكتىڭ, قويان مەن تاي اۋلانعان ءۇش اۆتوكولىكتى ۇستادى. توقتاتىلعان «مەرسەدەس», «نيسسان» جانە «مازدا» كولىكتەرىنىڭ سالونىنان ءتۇرلى بالىق تۇرلەرى سالىنعان قاپ, جابايى ۇيرەكتىڭ, قوياننىڭ جانە تايدىڭ دەنەسى تابىلدى. ۇستالعاندار اڭ اۋلاۋعا رۇقسات بەرە الاتىن قۇجاتناماسىن كورسەتە الماعان. سونداي-اق پاتروندارى بار ءۇش اڭشى مىلتىعى تاركىلەندى», دەلىنگەن حابارلامادا.
وقيعا باقاناس-قاروي تاس جولىندا بولعان. اتالعان فاكتى بويىنشا بالقاش اۋداندىق پوليتسيا باسقارماسىنا تىركەلىپ, قازاقستان رەسپۋبليكاسى قىلمىستىق كودەكسىنىڭ 337-بابى 1-بولىگىمەن سوتقا دەيىنگى تەرگەۋ امالدارى باستالدى. بۇل رەتتە مەملەكەتكە كەلتىرىلگەن شىعىن ءۇشىن ايىپپۇلدار سالىنادى.
