جيىن بارىسىندا ەنەرگەتيكا ۆيتسە-ءمينيسترى جاندوس نۇرماعامبەتوۆ, يندۋستريا جانە ينفراقۇرىلىمدىق دامۋ ۆيتسە-ءمينيسترى ەركەبۇلان داۋىلباەۆ, سولتۇستىك قازاقستان, اقمولا, شىعىس قازاقستان جانە تۇركىستان وبلىستارى اكىمدەرىنىڭ ورىنباسارلارى جۇرگىزىلىپ جاتقان جۇمىستار جايلى باياندادى.
جىلىتۋ ماۋسىمى بارلىق وڭىرلەردە باستالىپ, تۇراقتى ءوتىپ جاتىر. ايتا كەتسەك, ەلىمىزدىڭ ەلەكتر ستانتسيالارىندا 5 ەنەرگوبلوك, 42 قازاندىق جانە 31 تۋربينا جوندەلدى, 4,3 ملن توننا كومىر جانە 88 مىڭ توننا مازۋت بار, بۇل نورماتيۆتەرگە سايكەس كەلەدى. الەۋمەتتىك ينفراقۇرىلىم نىساندارى مەن تۇرعىن ۇيلەر قىس مەزگىلىنە دايىن. اۆتونومدى قازاندىقتاردا قاجەتتى وتىن قورى جينالدى.
كەڭەس قورىتىندىسى بويىنشا رومان سكليار اكىمدىكتەرگە جەتكىزىلگەن وتىن ءۇشىن كوممۋنالدىق قىزمەتتەر مەن ەنەرگيا كوزدەرى ءۇشىن دەبيتورلىق بەرەشەكتى تومەندەتۋ بويىنشا جۇمىس جۇرگىزۋدى تاپسىردى.
سونداي-اق يندۋستريا جانە ينفراقۇرىلىمدىق دامۋ مينيسترلىگى «قتج» ۇك» اق-مەن بىرلەسىپ, وڭتۇستىك وڭىرلەردەگى ەنەرگيا كوزدەرىنە وتىندى تۇراقتى جەتكىزۋدى قامتاماسىز ەتۋى قاجەت.
