كانديدات بارعان العاشقى نىسان «سەمەي ينجينەرينگ» زاۋىتى بولدى. كاسىپورىن جۇمىسشىلارىمەن كەزدەسۋ بارىسىندا كانديدات ەكونوميكالىق رەفورمالاردىڭ ءبىر بولىگى رەتىندە ەڭ تومەنگى جالاقىنى قالىپتاستىرۋ تاقىرىبىنا توقتالدى.
«بۇگىنگى تاڭدا ەڭ تومەنگى جالاقىنىڭ (ەتج) قالاي انىقتالاتىنى بەلگىسىز. مەن ونى يندەكستەۋدى اشىق ەتىپ قانا قويماي, ەىدۇ (ەكونوميكالىق ىنتىماقتاستىق جانە دامۋ ۇيىمى) دامىعان ەلدەرىنىڭ دەڭگەيىنە جەتكىزۋدى ۇسىنامىن. تيىسىنشە ەتج 60 مىڭ تەڭگەنى ەمەس, كەم دەگەندە 150 مىڭ تەڭگەنى قۇرايتىن بولادى», دەپ ناقتىلادى م.قاجىكەن.
كانديدات ازاماتتىق قوعام تاقىرىبىنا توقتالا وتىرىپ, بۇل سايلاۋالدى باعدارلاماسىنىڭ نەگىزگى ءبولىمى ەكەنىن اتاپ ءوتتى: «مەملەكەت ءاربىر ازاماتقا ءوزىن-ءوزى دامىتۋ ءۇشىن قولايلى جاعدايلار مەن مۇمكىندىكتەر جاساۋى كەرەك. ازاماتتىڭ ءوزى الەۋمەتتىك سەرىكتەستىك, اتاپ ايتقاندا كاسىپوداقتار, كاسىپكەرلەر قاۋىمداستىعى, ازاماتتىق قوعام ينستيتۋتتارى ارقىلى ءومىر ءسۇرۋ جاعدايلارىن وزگەرتە الاتىن ۇدەرىستەرگە قاتىسۋى كەرەك. بۇل – ءبىزدىڭ العا قويعان ماقساتىمىز».
سونداي-اق ۇمىتكەر: ء«بىزدىڭ ارميامىزدىڭ قارۋ-جاراعىن جاڭعىرتۋ, مەملەكەتتىك قورعانىس تاپسىرىسى, كادرلار دايارلاۋ جۇيەسىن جەتىلدىرۋ سەكىلدى ماسەلەردى شەشۋ وتە ماڭىزدى. سونىمەن قاتار قورعانىس ونەركاسىبىن قۇرۋ باعدارلاماسى جان-جاقتى قولداۋعا يە بولۋعا ءتيىس», دەدى.
