وبلىستاعى ەتنومادەني بىرلەستىكتەر وكىلدەرىمەن كەزدەسۋدە قاسىم-جومارت توقاەۆتىڭ جاقتاستارى قازىرگى تاڭدا مەملەكەتتىلىكتى نىعايتۋ ءۇشىن بەكەم بىرلىكتىڭ ماڭىزى زور ەكەنىن ايتتى.
«سوڭعى ءۇش جارىم جىلدا ەلىمىز ءتۇرلى سىناقتارمەن بەتپە-بەت كەلدى. كەزدەسكەن قيىندىقتىڭ ءبارىن ەڭسەرىپ, حالقىمىزدىڭ بىرلىگى ودان ءارى نىعايا ءتۇستى. ىشكى ساياسي تۇراقتىلىق, ەتنوسارالىق كەلىسىم, مىزعىماس مەملەكەتتىك ەگەمەندىك جانە ەلىمىزدىڭ اۋماقتىق تۇتاستىعى قۋاتتى قازاقستان قۇرۋدىڭ نەگىزى. سونداي-اق بۇل جولدا ۇلتتىق مۇددە مەن ازاماتتىق ءپاتريوتيزمدى قورعاۋدىڭ ماڭىزى زور. الداعى ۋاقىتتا ءبارىمىز بىرگە قۋاتتى قازاقستان قۇرۋدى جالعاستىرا بەرەمىز دەپ سەنەمىن», – دەدى رەسپۋبليكالىق قوعامدىق شتاب دەلەگاتسياسىنىڭ باسشىسى ماۋلەن اشىمباەۆ.
جاس ءىت ماماندارمەن كەزدەسۋدە شتاب مۇشەلەرى ۇمىتكەردىڭ سايلاۋ الدىنداعى باعدارلاماسىنا توقتالىپ, ونداعى تسيفرلاندىرۋ سالاسىنا قاتىستى باسىمدىقتارعا نازار اۋداردى. سونىمەن قاتار شتاب وكىلدەرى بيزنەس سالاسىنداعى جەرگىلىكتى ساراپشىلارمەن جانە كاسىپكەرلەرمەن بىرگە وسى باعىتتاعى بيۋروكراتيالىق قىسىمدى تومەندەتۋ شارالارىن تالقىلادى.
