ىقىلاس بار, ەندى ناتيجە كەرەك

مەملەكەت باسشىسى نۇرسۇلتان نازارباەۆ البانيا رەسپۋبليكاسىنىڭ پرەمەر-ءمينيسترى ەدي رامامەن كەزدەستى, دەپ حابارلادى پرەزيدەنتتىڭ ءباسپاسوز قىزمەتى. كەزدەسۋ بارىسىندا ساۋ­دا-ەكو­نوميكالىق, ينۆەستي­تسيا­لىق جانە مادەني-گۋماني­تارلىق سالاداعى ەكىجاقتى ىنتىماقتاستىقتى جانداندىرۋدىڭ نەگىزگى جايتتارى تالقىلاندى. بۇدان بولەك, تاراپتار حالىقارالىق كۇن تارتىبىندەگى وزەكتى ماسەلەلەردى قوزعادى. نۇرسۇلتان نازارباەۆ قا­زاق­ستاننىڭ البانيامەن قارىم-قا­تىناستى جولعا قويۋعا دەگەن ۇلكەن ىقىلاسى بار ەكەنىن اتاپ ءوتتى. – جالپى العاندا, ءبىزدىڭ ەل ءۇشىن ەۋروپا ءىرى ەكونوميكالىق سە­رىكتەس بولىپ سانالادى, الايدا, البانيامەن ارامىزدا ايتارلىقتاي قارىم-قاتىناس جوق. وكىنىشكە قاراي, ەلدەرىمىز ارا­سىندا ەكونوميكالىق ىنتىماق­تاستىققا نەگىز بولاتىن قۇجاتتارعا قول قويىلماعان. ءسىزدىڭ كەلۋىڭىز وسى باعىتتاعى كەلىسسوزدەردى باستاپ بەرەدى دەپ ۇمىتتەنەمىن. ەكونوميكالىق ىنتىماقتاستىق, ينۆەستيتسيانى ءوزارا قورعاۋ, قوسارلانعان سالىق سالۋدى بولدىرماۋ, ۆيزالىق رەجىم تۋرالى كەلىسىمدەرگە قول قويۋ قاجەت. بۇل ءبىزدىڭ كومپانيالارىمىزدىڭ بىرلەسىپ جۇمىس جۇرگىزۋىنە نەگىز قالايدى, – دەدى مەملەكەت باسشىسى. ءوز كەزەگىندە ەدي راما قا­بىل­داۋ ءۇشىن العىسىن ءبىلدىردى جانە قازاقستان تۋرالى ءوزىنىڭ جاقسى حاباردار ەكەنىن ايتتى. سونداي-اق, ول ەلدەرىمىزدىڭ اراسىندا ءما­دەني سالادا ورتاق جايتتاردىڭ كوپ ەكەنىنە نازار اۋداردى. البانيا پرەمەر-ءمينيسترى الەۋەتىمىزدى ەسكەرە وتىرىپ, ساۋدا-ەكونوميكا سالاسىنداعى ءوزارا ءىس-قيمىلدى ءارى قاراي دامىتۋ قاجەتتىگى تۋرالى پىكىرمەن كە­لى­سە­تىنىن ءبىلدىردى. ءتۇرلى حالىقارالىق قۇرىلىمدار اياسىندا ءتيىمدى ىن­تى­ماقتاستىق ورناتۋدىڭ ماڭىز­دىلىعىن دا اتاپ ءوتتى.