«اۋىر سومكەلەر ماسەلەسىن شەشۋدىڭ, سونداي-اق مەكتەپتەردەگى تسيفرلاندىرۋ دەڭگەيىن ارتتىرۋدىڭ كەشەندى شاراسى رەتىندە پلانشەتتەردى پايدالانۋ ۇسىنىلىپ وتىر. ءبىزدىڭ ۇسىنىسىمىز – 2023 جىلى سەرۆيستىك مودەل مەحانيزمى ارقىلى ءبىرىنشى سىنىپقا باراتىن 400 مىڭنان استام وقۋشىنى پلانشەتپەن قامتاماسىز ەتۋ», دەدى باعدات مۋسين ۇكىمەت وتىرىسىندا.
ول ۇسىنىلعان مەحانيزمنىڭ نەگىزگى ارتىقشىلىقتارىن اتاپ ءوتتى.
«بىرىنشىدەن, سەرۆيستىك مودەلدى پايدالانۋ كەزىندە, تىكەلەي ساتىپ الۋدان ايىرماشىلىعى, 4 جىلعا كەلىسىمشارت سوماسىن ءبولۋ ارقىلى بيۋدجەتكە تۇسەتىن ءبىر رەتتىك جۇكتەمە تومەندەيدى, ونىڭ بارىسىندا وقۋشى باستاۋىش سىنىپتاعى ءبىلىمىن اياقتايدى. بۇل مودەلدى قازىردىڭ وزىندە بايلانىس وپەراتورلارى حالىق پەن بيزنەسكە تەلەفوندار مەن پلانشەتتەر ساتۋ كەزىندە بەلسەندى تۇردە قولدانادى», دەدى مينيستر.
ءمينيستردىڭ ايتۋىنشا, سەرۆيستىك مودەل اياسىندا پلانشەتتەردى جالعا بەرۋ قىزمەتتەرىنەن بولەك, مەكتەپ وقۋشىلارىن ارنايى تاريفپەن ءموبيلدى ينتەرنەتپەن قامتاماسىز ەتۋ, سونداي-اق پلانشەتتەردىڭ ۇزدىكسىز جۇمىس ىستەۋىن قامتاماسىز ەتۋ ءۇشىن سەرۆيستىك قىزمەت كورسەتۋ قىزمەتتەرى ساتىپ الىنادى.
«ۇشىنشىدەن, ماڭىزدى فاكتور - رۇقسات ەتىلگەن ونلاين رەسۋرستار ءتىزىمىن جاڭارتۋ ءۇشىن پلانشەتكە قاشىقتان قول جەتكىزۋ مۇمكىندىگى. ەڭ باستىسى, شەتەلدىك وندىرىسكە تاۋەلدىلىكتى ازايتۋ ءۇشىن بۇل مەحانيزم تەك وتاندىق وندىرۋشىلەرگە عانا قولجەتىمدى بولادى», دەپ قوستى باعدات مۋسين.
