Ranking.kz. مالىمەتىنشە, ترانزاكتسيا سانى 2,7%-عا ازايىپ, 1,6 ملن-دى قۇرادى. ناتيجەسىندە ءبىر اۋدارىم بويىنشا ورتاشا چەك 9,4%-عا ءوسىپ, 418,9 مىڭ تەڭگەنى قۇرادى.
2022 جىلدىڭ قاڭتار-تامىز ايلارىندا ااج ارقىلى شەتەلگە اۋدارىمدار كولەمىنىڭ 70%-دان ءسال استامى تەك ءۇش ەلدىڭ ۇلەسىنە ءتيدى – وزبەكستان (201,7 ملرد تەڭگە), تۇركيا (163,6 ملرد تەڭگە) جانە رەسەي (117,3 ملرد تەڭگە). سونداي-اق قىرعىزستانعا (62,5 ملرد تەڭگە) جانە گرۋزياعا (50,6 ملرد تەڭگە) ايتارلىقتاي كولەمدە اقشا اۋدارىلدى.
قازاقستاننان شەتەلگە اۋدارىمداردىڭ كوپ بولىگى دوللارمەن جۇزەگە اسىرىلادى: 2021 جىلعا اۋدارىمدارداعى دوللاردىڭ ورتاشا ايلىق ۇلەسى 78,2%-دى قۇراعان, ال بيىلعى 8 ايدا ول 73,7%-عا تومەندەدى.
بۇل رەتتە, قاڭتار-ناۋرىزدا شەتەلگە اۋدارىلعان قاراجاتتىڭ جالپى كولەمىندەگى دوللارلىق اۋدارىمداردىڭ ۇلەسى 82,3%-84%-دى قۇراسا, كەيىن كورسەتكىش ايتارلىقتاي تومەندەپ, تامىزدا 68,5%-دى, ال شىلدەدە تەك 58,4%-دى قۇراعان.
قازاقستاننان شەتەلگە ۇلتتىق ۆاليۋتاداعى اۋدارىمدار ۇلەسى كەرىسىنشە وسكەن. مىسالى, تامىزدا تەڭگەلىك ترانسفەرتتەر اۋدارىلعان قاراجاتتىڭ 21,2%-ىن قۇراسا, بيىل تەڭگەنىڭ ەڭ كوپ ۇلەسى شىلدەدە – 28,1%-دى قۇرادى. 2021 جىلى ورتاشا ەسەپپەن تەڭگە اي سايىن جىبەرىلگەن اقشا سوماسىنىڭ 9,5%-ىن قۇرادى.
بيىل قازاقستاننان شەتەلگە رەسەي رۋبلىندەگى اۋدارىمداردىڭ ەڭ ۇلكەن ۇلەسى ماۋسىم ايىندا تىركەلگەن - 19,9%. بۇل 2021 جىلعى ورتاشا كورسەتكىشتەن جوعارى, ول كەزدە كورسەتكىش 11% بولعان ەدى. الايدا تامىزعا قاراي رۋبلدەگى اۋدارىمداردىڭ ۇلەسى ادەتتەگى 10%-عا دەيىن تومەندەدى.
سونداي-اق ايتارلىقتاي اۋدارىم كولەمى Contact (82,8 ملرد تەڭگە) جانە Western Union (42,1 ملرد تەڭگە) كومپانيالارىنا دا تيەسىلى.
