قازا تاپقاندار سانىن رادجكوت پوليتسيا وكرۋگىنىڭ باس ينسپەكتورى اشوك ياداۆ راستادى. ال, مەملەكەتتىك ىشكى ىستەر ءمينيسترى حارش سانگاۆيدىڭ ايتۋىنشا, قازا تاپقاندار سانى 132-گە جەتىپ, ەكى ادام ءىز-ءتۇزسىز جوعالعان. سونداي-اق ول جوعالعان ەكى ادام تابىلسا, ىزدەۋ-قۇتقارۋ جۇمىستارى اياقتالاتىنىن ايتتى.
بۇگىن تاڭەرتەڭ موربي مەملەكەتتىك اۋرۋحاناسى 99 قايتىس بولعان ادامنىڭ ءتىزىمىن جاريالادى. وندا قازا تاپقانداردىڭ جاسى كورسەتىلمەگەن.
مەردىگەر مەن ارقاندى كوپىردىڭ باسشىسىنا قاتىستى قىلمىستىق ءىس قوزعالدى. پوليتسيا وقيعاعا قاتىستى تەرگەۋدى باستادى.
ەسكە سالايىق, قايعىلى وقيعا 30 قازاندا گۋدجارات شتاتىنداعى موربي قالاسىنىڭ ماڭىندا بولدى. ماچچۋ وزەنى ارقىلى 140 جىل بۇرىن سالىنعان اسپالى كوپىر قۇلاپ كەتكەن. اپات كەزىندە كوپىردە بەس مىڭعا جۋىق ادام, ونىڭ ىشىندە كوپتەگەن ايەلدەر مەن بالالار بولعان.
