«بۇگىن مەن استانادا سۋتەگى ديپلوماتياسى كەڭسەسىن اشۋدى جوسپارلاپ وتىرعانىمىزدى قۋانا حابارلايمىن. بولاشاقتا بۇل بيۋرو ءبىزدىڭ ەلدەردىڭ ساراپشىلارى مەن جاۋاپتى تۇلعالارىمەن الماسۋ ورتالىعىنا اينالادى. «جاسىل» سۋتەگىنىڭ كومەگىمەن ءبىز ونەركاسىپ پەن كولىكتەگى شىعارىندىلاردى نولگە دەيىن ازايتقىمىز كەلەدى», دەدى اننالەنا بەربوك ءباسپاسوز ءماسليحاتىندا.
قازاقستاندىق تاراپ ەلىمىزدىڭ استاناسىندا سۋتەگى ديپلوماتياسى كەڭسەسىن قۇرۋ تۋرالى باستامانى قولدادى.
ء«بىز نەمىس تاراپىنىڭ استانادا «سۋتەگى ديپلوماتياسى» كەڭسەسىن اشۋ تۋرالى ۇسىنىسىن قۇپتايمىز. بەربوك حانىم, بۇل باستاماڭىز ءۇشىن العىس ايتامىز جانە وعان جان-جاقتى قولداۋ كورسەتۋگە دايىنبىز», دەدى مۇحتار تىلەۋبەردى.
قازاقستاننىڭ سىرتقى ىستەر ءمينيسترى قازاقستاندا ەكونوميكانىڭ جوعارى تەحنولوگيالىق سەكتورلارى ءۇشىن قاجەتتى شيكىزاتتى, سيرەك كەزدەسەتىن مەتالداردى باستاپقى وڭدەۋ, سونداي-اق ەكولوگيالىق تازا ەنەرگيا كوزدەرىنىڭ ءوندىرىسىن قۇرۋ سالاسىنداعى ءوزارا ءىس-قيمىل ەكەنىن اتاپ ءوتتى.
«مۇنىڭ قۇقىقتىق نەگىزى 2012 جىلى شيكىزاتتىق, وندىرىستىك جانە تەحنولوگيالىق ارىپتەستىك تۋرالى ۇكىمەتارالىق كەلىسىمگە قول قويۋ ارقىلى جاسالعان بولاتىن. ال 27 قازاندا HYRASIA ONE نەمىس-شۆەد كونتسەرنىنىڭ ەنشىلەس ۇيىمى «Svevind» مەن قازاقستان ۇكىمەتى ينۆەستيتسيالىق كەلىسىمگە قول قويدى, ونىڭ اياسىندا تازا جانە ەكولوگيالىق تازا ءونىم شىعاراتىن الەمدەگى ەڭ ءىرى كاسىپورىنداردىڭ ءبىرىن سالۋ جوسپارلانۋدا», دەدى قازاقستان سىرتقى ىستەر ءمينيسترى.
بۇعان دەيىن حابارلاعانىمىزداي, قازاقستان رەسپۋبليكاسى پرەمەر-ءمينيسترىنىڭ ورىنباسارى – سىرتقى ىستەر ءمينيسترى مۇحتار تىلەۋبەردى گەرمانيا سىرتقى ىستەر ءمينيسترى اننالەنا بەربوكپەن كەزدەستى.
