سەناتور گەرمانيا قازاقستاننىڭ ەۋروپالىق وداقتاعى ماڭىزدى ستراتەگيالىق ارىپتەسى ەكەنىن اتاپ ءوتتى. ول بارلىق سالاداعى ەكىجاقتى قاتىناستار مەن حالىقارالىق كۇن تارتىبىندەگى نەگىزگى ماسەلەلەر بويىنشا استانا مەن بەرلين اراسىندا ءوزارا تولىق تۇسىنىستىك بار ەكەنىن جەتكىزدى.
ء«بىز ەلدەرىمىزدىڭ پارلامەنتارالىق ىنتىماقتاستىعىن دامىتۋعا زور ماڭىز بەرەمىز. ەكى ەلدىڭ پارلامەنتتەرىندە جۇمىس ىستەيتىن دوستىق توپتارى ءبىزدىڭ پارلامەنتارالىق ديالوگىمىزدىڭ بەرىك نەگىزىن قۇرايدى. سەناتتاعى حالىقارالىق قاتىناستار, قورعانىس جانە قاۋىپسىزدىك كوميتەتىنىڭ توراعاسى مۇحتار قۇل-مۇحاممەد توپتى باسقارىپ كەلەدى», دەدى دەپۋتات.
سەناتور مۇحتار قۇل-مۇحاممەد ءوز كەزەگىندە مەملەكەت باسشىسىنىڭ باستاماسىمەن ەلىمىزدە جۇرگىزىلىپ جاتقان ساياسي جانە ەكونوميكالىق رەفورمالار تۋرالى قوناقتارعا ايتىپ بەردى. سەناتور الداعى كەزەكتەن تىس پرەزيدەنت سايلاۋى تۋرالى حاباردار ەتە وتىرىپ, بولاشاق پرەزيدەنتتىڭ جەتى جىلدىق مەرزىمگە ءبىر رەت سايلاناتىنى باستى جاڭالىق ەكەنىنە توقتالدى. بۇل نورما, ەڭ الدىمەن ساياسي جۇيەنىڭ تۇراقتىلىعى ۇزاق مەرزىمدى بولۋىنا, بيلىكتى مونوپوليالاۋ قاۋپىن جويۋعا جانە دەموكراتيانىڭ نەگىزگى قاعيداتتارىن نىعايتۋعا باعىتتالعان.
گفر دەلەگاتتارى ەكى ەلدىڭ ىنتىماقتاستىعىن ودان ءارى نىعايتۋدىڭ ماڭىزدىلىعىن اتاپ وتە كەلىپ, مەملەكەتتەرىمىز اراسىنداعى ديپلوماتيالىق قاتىناستار ورناعان ساتتەن باستاپ 30 جىل ىشىندە قازاقستان ءوزىن سەنىمدى ساياسي جانە ەكونوميكالىق ارىپتەس رەتىندە كورسەتكەنىن جەتكىزدى.
