قر ءسىم-دە وتكەن كەزدەسۋ كەزىندە تاراپتار قازاقستان-گەرمانيا قارىم-قاتىناسىنىڭ ەكونوميكالىق ىنتىماقتاستىق جانە وسى جىلدىڭ العاشقى سەگىز ايىندا 1,7 ملرد ەۋروعا جەتكەن تاۋار اينالىمىن ودان ءارى ارتتىرۋ پەرسپەكتيۆالارىنان باستاپ, قازاقستان وڭىرلەرىندە جەك سالاسىنداعى نەمىس فلاگماندارى Goldbeck Solar جانە Svevind كومپانيالارىمەن بىرلەسكەن جوبالاردى جۇزەگە اسىرۋدى ەسكەرە وتىرىپ, ەنەرگەتيكا سالاسىنداعى كووپەراتسيانىڭ جاڭا تۇرلەرىنە دەيىنگى بارلىق سپەكترى بويىنشا پىكىر الماستى.
سىرتقى ساياسي ۆەدومستۆولاردىڭ باسشىلارى تىعىز جانە سەنىمدى ديالوگتىڭ بولۋىن, سونداي-اق حالىقارالىق كۇن تارتىبىندەگى بىرقاتار ماسەلە بويىنشا ۇستانىمداردىڭ ورتاقتىعىن اتاپ ءوتتى. قازاقستاننىڭ بەيبىتشىلىك پەن كەلىسىم جولىنداعى حالىقارالىق, ەتنوسارالىق جانە دىنارالىق ديالوگتى قۇرۋداعى ءرولى ەرەكشە اتالدى.
استانا مەن بەرليننىڭ كولىك جانە لوگيستيكا, اۋىل شارۋاشىلىعى, ەنەرگەتيكا جانە مادەني-گۋمانيتارلىق ىنتىماقتاستىق سالاسىندا سىندارلى ءوزارا ءىس-قيمىلعا دەگەن قىزىعۋشىلىقتارىنا ايرىقشا نازار اۋدارىلدى. قازاقستاننىڭ گەرمانيا مەن ەۋروپاعا پايدالى قازبا, تاماق ونەركاسىبى ونىمدەرى, شيكى مۇناي جانە باسقا دا ەنەرگيا رەسۋرستارىن جەتكىزۋدە سەنىمدى سەرىكتەس ەكەنىنە توقتالا كەلە, م. تىلەۋبەردى قازاقستاندىق تاراپتىڭ گەرمان سەرىكتەستەرىنە ەرەكشە ارتىقشىلىقتار بەرۋدى كەڭ اۋقىمدى ينۆەستيتسيالار مەن نەمىس تەحنولوگيالاردىڭ ترانسفەرىنە الماستىرۋعا دايىن ەكەنىن ايتتى.
