گەرمانيا – قازاقستاننىڭ ەۋروپالىق وداقتاعى ماڭىزدى ساۋدا-ەكونوميكالىق جانە ينۆەستيتسيالىق سەرىكتەسى. وسىعان بايلانىستى استانا الەمدىك ەكونوميكاداعى جاعىمسىز فاكتورلارعا قاراماستان, بەرلينمەن ءوزارا ءىس-قيمىلدىڭ جوعارى دەڭگەيىن ساقتاپ, ءارى قاراي نىعايتۋعا نيەتتى.
وتكەن جىلى قازاقستان ەكونوميكاسىنا تىكەلەي نەمىس ينۆەستيتسيالارىنىڭ كولەمى 25%-عا ارتىپ, $320 ملن-نان استى.
«ەكى ەل اراسىنداعى تاۋار اينالىمى دا وتكەن جىلى 6%-دان استامعا ءوسىپ, $2,2 ملرد-تى قۇرادى. بيىل دا بۇل كورسەتكىشتەر ءوسىپ كەلەدى. «ينۆەستيتسيالىق ىنتىماقتاستىقتى ارتتىرۋ جانە ءوزارا ساۋدا كولەمىن ۇلعايتۋ بويىنشا ايتارلىقتاي الەۋەتىمىز بار», دەدى ءاليحان سمايىلوۆ.
ەكى ەل اراسىنداعى ىنتىماقتاستىقتىڭ ناتيجەسى رەتىندە جالپى قۋاتى 45 گۆت جەل جانە كۇن ەلەكتر ستانتسيالارى مەن «جاسىل» سۋتەگى وندىرەتىن ەنەرگەتيكالىق كەشەن سالۋ بويىنشا جوسپارلانعان جوبالاردى ايتۋعا بولادى.
سونىمەن قاتار پرەمەر-مينيستر نەمىس تاراپىنىڭ استانادا گەرمانيا حالىقارالىق ىنتىماقتاستىق قوعامىنىڭ قامقورلىعىمەن سۋتەگى ديپلوماتياسى كەڭسەسىن اشۋ باستاماسىنىڭ ماڭىزىن اتاپ ءوتتى. ءوز كەزەگىندە اننالەنا بەربوك قازاقستاننىڭ سوڭعى جىلدارى ەكونوميكالىق جانە قوعامدىق-ساياسي سالالارداعى ەلەۋلى پروگرەسىن اتاپ ءوتتى.
«ەكى تاراپقا دا ءتيىمدى بولۋى ءۇشىن ەكونوميكالىق قاتىناستاردى تەڭ دارەجەدە دامىتۋ ماڭىزدى دەپ سانايمىز», دەدى ا.بەربوك.
