ماي ونەركاسىبى بۇگىندە وسىمدىك مايىنا دەگەن سۇرانىستىڭ ارتۋىنا بايلانىستى اگروونەركاسىپتىك كەشەننىڭ نەعۇرلىم پەرسپەكتيۆالى جانە تەز دامىپ كەلە جاتقان سالالارىنىڭ ءبىرى بولىپ تابىلادى. دايىن ءونىم قازاقستاندىقتاردىڭ عانا ەمەس, بۇكىل الەمدەگى ساتىپ الۋشىلاردىڭ تۇتىنۋ قورجىنىندا ەرەكشە ورىن الادى.
كەزدەسۋ بارىسىندا جيگۋلي دايراباەۆ سالانى دامىتۋ ءۇشىن قولعا الىنۋعا ءتيىس باستامالارعا توقتالدى. ونىڭ ايتۋىنشا, بۇگىندە اگرارلىق سالادا تەپە-تەڭدىك جوق. كەزىندە ىشكى وڭدەۋدى دامىتۋ ءۇشىن شەكتەۋلەر ەنگىزىلگەن. «ماي ەكسپورتىنا ەنگىزىلگەن كەز-كەلگەن شەكتەۋلەردى الىپ تاستاۋ كەرەك. وسىلايشا وتاندىق زاۋىتتاردىڭ وندىرىستىك جۇكتەمەسى ارتىپ, باسەكەلەستىك ورنايدى. سونىمەن قاتار, كۇنباعىس تۇقىمدارىنىڭ ەكسپورتىن ءوندىرىس كولەمىنىڭ 40% دەڭگەيىندە بەلگىلەگەن دۇرىس. بۇل شارا ماي زاۋىتتارى مەن ەكسپورتتاۋشىلار اراسىندا اقىلعا قونىمدى باسەكەلەستىك قۇرۋعا مۇمكىندىك بەرىپ, سىبايلاس جەمقورلىقتىڭ الدىن الۋعا سەپتىگىن تيگىزەدى, ويتكەنى كەي جاعدايلاردا كۆوتالاردى ناقتى ماي تۇقىمى جوق كومپانيالار الىپ, ءۇشىنشى كومپانيالار ەكسپورتقا جىبەرگەن. وسىمدىك مايى باعاسىنىڭ وسۋىنە بايلانىستى ماي وڭدەۋ سالاسىندا وتاندىق ءوندىرىستى دامىتۋ ماسەلەسى وتە وتكىر تۇر», دەدى ج.دايراباەۆ.
