قاراعاندىعا قاراستى ورىنباي اۋىلى ماڭىنداعى عارىش كەمەسىنىڭ بولشەگى قۇلاعان. ونى اۋىل تۇرعىندارى ۆيدەوعا ءتۇسىرىپ, الەۋمەتتىك جەلىدە جاريالادى. تۇرعىندار كەمەنىڭ سىنىعى ازاماتتاردىڭ دەنساۋلىعى مەن قورشاعان ورتاعا قاۋىپ ءتوندىرۋى مۇمكىن دەپ قاۋىپتەنىپ وتىر.
جاڭاارقا اۋدانىنىڭ اكىمدىگى جاعدايعا قاتىستى پىكىر ءبىلدىردى. ۆەدومستۆو قۇلاعان فراگمەنت «پروگرەسس مس-21» عارىش كەمەسىنە تيەسىلى ەكەنىن حابارلادى.
«بۇل «پروگرەسس مس-21» جۇك كەمەسىنىڭ فراگمەنتى. ول ورىنباي ەلدى مەكەنىنەن 25 شاقىرىم جەرگە قۇلاعان. جاقىن ماڭداعى قىستاۋلاردىڭ تۇرعىندارى ەۆاكۋاتسيالاندى. ورىنباي اۋىلىنىڭ تۇرعىندارىن كوشىرگەن جوقپىز. «روسكوسموس» ماماندارى عارىش كەمەسىنىڭ ۇشۋ كۇنى مەن ۋاقىتىن الدىن الا ءبىلىپ, فراگمەنتتىڭ قۇلاعان جەرىن انىقتاعان. ولار بۇل جەردى كۇزەتەتىن ارنايى جەدەل ارەكەت ەتۋ توبىن قۇردى. عارىش اپپاراتىنىڭ العاشقى فراگمەنتتەرى الىپ تاستالدى, ولار قاۋىپ توندىرمەيدى», دەدى ءباسپاسوز قىزمەتى وكىلدەرى.
