قازاقستاننىڭ توراعالىعى اياسىندا بارلىق باسىم باعىتتارداعى ىنتىماقتاستىقتى تەرەڭدەتۋ بويىنشا ناقتى جۇمىس جۇرگىزىلدى. اتاپ ايتقاندا, ساۋدا-ەكونوميكا سالاسىنا باستى نازار اۋدارىلدى.
ۇكىمەت باسشىسى تمد شەڭبەرىندە قابىلدانعان تۋىندايتىن پروبلەمالارعا بىرلەسىپ دەن قويۋ شارالارى تىزبەسىنىڭ ماڭىزىن اتاپ ءوتتى. ول ءوزارا ينۆەستيتسيالاردى ىنتالاندىرۋدى, ونەركاسىپ كووپەراتسياسىن تەرەڭدەتۋدى, كەدەندىك رەتتەۋدى جەڭىلدەتۋدى, جاڭا لوگيستيكالىق تىزبەكتەردى قالىپتاستىرۋدى جانە تسيفرلىق تەحنولوگيالاردى ەنگىزۋدى نەگىزگە الدى.
تمد كەڭىستىگىندە قاۋىپسىزدىكتى قامتاماسىز ەتۋ, ونىڭ ىشىندە اقپاراتتىق سالاداعى قاۋىپ-قاتەرلەرگە قارسى ءىس-قيمىل جانە مادەني-گۋمانيتارلىق سالاداعى, اتاپ ايتقاندا, ءبىلىم بەرۋ مەكەمەلەرىنىڭ جەلىسى بويىنشا ءوزارا بايلانىستاردى دامىتۋ باعىتىندا بەلسەندى جۇمىس جۇرگىزىلەتىنىن ايتتى.
«جالپى قازاقستاننىڭ 2022 جىلى تاۋەلسىز مەملەكەتتەر دوستاستىعىنا توراعالىق ەتۋىنىڭ بارلىق جوسپارلانعان ءىس-شارالارى تولىق كولەمدە ورىندالدى», دەپ تۇيىندەدى ءاليحان سمايىلوۆ.
سونداي-اق وتىرىسقا قاتىسۋشىلار 2023 جىلى بەلارۋس رەسپۋبليكاسىندا II تمد ەلدەرىنىڭ ويىندارىن وتكىزۋ جانە قوعامدىق دەنساۋلىق ساقتاۋ سالاسىنداعى سانيتارلىق-ەپيدەميولوگيالىق سيپاتتاعى توتەنشە جاعدايلار تۋرالى ەسكەرتۋ, ولارعا دەن قويۋ جونىندەگى ىنتىماقتاستىق تۋرالى كەلىسىمدى قابىلداۋ ماسەلەلەرىن تالقىلادى.
شارا قورىتىندىسى بويىنشا بىرقاتار قۇجاتقا قول قويىلدى.
