اقمولا, اقتوبە, شىعىس قازاقستان, قىزىلوردا, قاراعاندى, قوستاناي, سولتۇستىك قازاقستان, تۇركىستان, باتىس قازاقستان وبلىستارىندا, الماتى, استانا جانە شىمكەنت قالالارىندا ادام قۇقىقتارى جونىندەگى ۋاكىلدىڭ وكىلدەرى جۇمىسقا كىرىستى. سونداي-اق جامبىل, جەتىسۋ, پاۆلودار, اتىراۋ, ماڭعىستاۋ وبلىستارىندا كونكۋرستىق ءىس-شارالار جالعاسىپ جاتىر.
بيىل ۋاكىلدىڭ وكىلدىكتەرى قازاقستاننىڭ 17 وڭىرىندە جۇمىس ىستەيدى.. تاعى 3 وبلىستا ( ۇلىتاۋ, اباي جانە الماتى) وكىلدىكتەر ءتيىستى راسىمدەر اياقتالعاننان كەيىن 2023 جىلى اشىلادى.
وكىلدەر «مەملەكەتتىك قىزمەت تۋرالى» قازاقستان رەسپۋبليكاسىنىڭ زاڭىندا بەلگىلەنگەن تارتىپپەن تاعايىندالادى.
ادام قۇقىقتارى جونىندەگى ۋاكىل وكىلىنىڭ لاۋازىمى قازاقستاننىڭ بۇكىل اۋماعىندا ادام مەن ازاماتتىڭ قۇقىقتارى مەن بوستاندىقتارىن مەملەكەتتىك قورعاۋدىڭ قوسىمشا كەپىلدىكتەرىن قامتاماسىز ەتۋ, سونداي-اق ۋاكىلگە ءوز قۇقىقتارىن, اسىرەسە اۋىلدىق جەرلەردە تۇراتىن ازاماتتاردى قورعاۋ ءۇشىن جۇگىنۋدى قولجەتىمدى ەتۋ ماقساتىندا قۇرىلعان.
وكىلدەرگە قازاقستان رەسپۋبليكاسىنىڭ ازاماتتارى جانە ونىڭ اۋماعىنداعى شەتەلدىكتەر مەن ازاماتتىعى جوق ادامدار نەمەسە ولاردىڭ وكىلدەرى جۇگىنە الادى.
