ءوزارا ساۋدانى ۇلعايتۋ جونىندەگى جۇمىس شەڭبەرىندە قازاقستان بەلارۋس نارىعىنا شىعارىلاتىن ەكسپورتتى كەڭەيتۋدى جوسپارلاپ وتىر. وسىعان بايلانىستى ۇكىمەت جاقىن ارادا بەلارۋس باسشىلىعىنىڭ قاراۋىنا جىبەرىلەتىن الەۋەتتى ەكسپورتتىق تاۋارلار تىزبەسىن جاڭارتقان.
جالپى وتكەن جىلدىڭ قورىتىندىسى بويىنشا ەلدەر اراسىنداعى تاۋار اينالىمى 20%-عا وسكەن.
«قازىرگى تاڭدا ءبىز ءارتۇرلى سالالاردا شيكىزاتتىق ەمەس تاۋارلاردىڭ 105 ءتۇرىن جەتكىزۋ ماسەلەسىن بىرلەسىپ پىسىقتاۋعا دايىنبىز», دەدى ءاليحان سمايىلوۆ.
ەكىجاقتى ىنتىماقتاستىقتىڭ باسىم باعىتتارىنىڭ ءبىرى – ونەركاسىپ كووپەراتسياسى. بۇگىنگى تاڭدا 1,5 مىڭ جۇمىس ورنىن قۇرا وتىرىپ, بىرلەسكەن 7 جوبا ىسكە قوسىلدى, تاعى 2 جوبا ىسكە اسىرۋ ساتىسىندا.
ءوز كەزەگىندە رومان گولوۆچەنكو اۋىل شارۋاشىلىعىندا, اتاپ ايتقاندا, قازاقستاندا بەلارۋس تەحنولوگيالارى بويىنشا تاۋارلى ءسۇت كەشەندەرىندە بىرلەسكەن جوبالاردى ىسكە قوسۋدىڭ پەرسپەكتيۆالارىن ايتىپ, ەكىجاقتى قاتىناستاردىڭ بارلىق سپەكترى بويىنشا ءوزارا ءىس-قيمىلدى ماقساتتى تۇردە نىعايتۋعا دايىن ەكەنىن ايتقان.
