«ون جىلدان استام ۋاقىت بۇرىن پرەزيدەنتتىڭ جارلىعىمەن قازاننىڭ سوڭعى جەكسەنبىسى الەۋمەتتىك قورعاۋ جۇيەسى قىزمەتكەرلەرىنىڭ كاسىبي مەرەكەسى بولىپ بەكىتىلدى. قۇرمەتتى ارىپتەستەر, مەنىڭ شىن جۇرەكتەن قۇتتىقتاۋلارىمدى قابىل الىڭىزدار! سىزدەرگە ەرەكشە نازار مەن قامقورلىقتى قاجەت ەتەتىن ادامداردىڭ پروبلەمالارى جۇكتەلەدى. قارتتار مەن مۇگەدەكتىگى بار ادامداردىڭ, كوپبالالى جانە از قامتىلعان وتباسىلاردىڭ, جۇمىسسىزداردىڭ جانە حالىقتىڭ باسقا دا الەۋمەتتىك وسال توپتارىنىڭ جاعدايىن جاقسارتۋعا قوسىپ جاتقان ۇلەسىڭىز ايرىقشا. مەيىرىمدىلىك جۇرەكتەن شىعادى, جاقسىلىق تىلەكتەن تۋادى. قۇرمەتتى الەۋمەتتىك قورعاۋ جۇيەسىنىڭ قىزمەتكەرلەرى, وسى ايتۋلى كۇن قارساڭىندا سىزدەرگە اماندىق پەن باقىت تىلەيمىن! سىزدەردىڭ ەڭبەكتەرىڭىز قازاقستاننىڭ تۇراقتى دامۋىنا ىقپال ەتىپ, بارلىق باستامالارىڭىز ارقاشان ساتتىلىكپەن اياقتالسىن», دەدى ت.دۇيسەنوۆا.
سالتاناتتى جيىن بارىسىندا ۆەدومستۆونىڭ 15 قىزمەتكەرى «الەۋمەتتىك ەڭبەك سالاسىنىڭ ۇزدىگى» توسبەلگىلەرى, قۇرمەت گراموتالارى مەن العىس حاتتار سىندى ءتۇرلى ماراپاتتارعا يە بولدى.
