اقتوبەنىڭ وسى اۋداندارىنىڭ تۇرعىندارى ينفراقۇرىلىم جوقتىعى ەسەبىنەن ۇزاق ۋاقىت بويى قيىندىقتارعا تاپ بولۋدا. ماسەلەن, «جاڭاقونىس-4» تۇرعىن ءۇي كەشەندەرىنىڭ تۇرعىندارى 2018 جىلدان باستاپ گازدىڭ بەرىلۋىن كۇتىپ وتىر. جەرگىلىكتى بيلىك بيىل قىركۇيەك ايىنىڭ سوڭىنا دەيىن گاز تارتۋعا ۋادە بەرگەن. بۇگىندە گاز ءالى دە پايدالانۋعا بەرىلمەگەن. ودان بولەك, تۇرعىندار جولدىڭ ناشارلىعىنا ارىزدانۋدا. «اۋدان اكىمدىگى بىزگە جولداردى تولتىرۋ ءۇشىن قيىرشىق تاس تيەلگەن 56 كاماز بولۋگە ۋادە بەرگەن ەدى. ولاردىڭ تەك ەكەۋى عانا كەلدى», دەيدى «جاڭاقونىس-4» تۇرعىن ۇيدەگى كەزدەسۋگە قاتىسۋشىلاردىڭ ءبىرى.
نۇرلان اۋەسباەۆ «باتىس-2» شاعىن اۋدانىندا دا جاعدايدىڭ ءماز ەمەستىگىنە كوز جەتكىزدى. تۇرعىندارمەن اڭگىمەلەسۋ بارىسىندا ول ءوز باعدارلاماسىندا قازاقستاندىقتاردىڭ ءومىر ساپاسىنىڭ ستاندارتىن ەنگىزۋدى كوزدەيتىنىن اتاپ ءوتتى. وندا ادامنىڭ دۇرىس تاماقتانۋى, ءدارى-دارمەك, كوممۋنالدىق قىزمەتتەر سياقتى قاجەتتىلىكتەر ەسكەرىلەدى. زەرتتەۋ بارىسىندا انىقتالعان ازاماتتاردىڭ ءاربىر جەكە توبى ءۇشىن نەگىزگى كورسەتكىشتەرگە قول جەتكىزۋ بويىنشا ارنايى باعدارلامالار ازىرلەنبەك. نۇرلان اۋەسباەۆ ءوزىنىڭ سايلاۋالدى باعدارلاماسىندا ءتۇرلى دەڭگەيدەگى الەۋمەتتىك قولداۋدىڭ جەلىسىن قۇرۋعا نيەتتى ەكەنىن ايتتى.
