قاسىم-جومارت توقاەۆ پەن شاۆكات ميرزيوەۆ قازاقستان مەن وزبەكستان اراسىنداعى ستراتەگيالىق سەرىكتەستىكتىڭ قازىرگى جاعدايى مەن دامۋ پەرسپەكتيۆالارىن تالقىلادى.
سونىمەن قاتار تاراپتار ورتالىق ازيا مەملەكەتتەرى باسشىلارىنىڭ جانە ەۋروپالىق كەڭەس پرەزيدەنتى شارل ميشەلدىڭ قاتىسۋىمەن وتكەن كەزدەسۋدىڭ قورىتىندىسى جونىندە پىكىر الماستى. قاسىم-جومارت توقاەۆ جيىنعا قاتىسقانى جانە مازمۇندى ءسوز سويلەگەنى ءۇشىن شاۆكات ميرزيوەۆكە ريزاشىلىعىن ءبىلدىردى.
ءوز كەزەگىندە شاۆكات ميرزيوەۆ اتالعان شارانىڭ وتكىزىلۋ دەڭگەيىن جوعارى باعالاپ, كەزدەسۋدى ۇيىمداستىرعانى ءۇشىن قازاقستان پرەزيدەنتىنە العىس ايتتى. سونداي-اق بۇگىنگى شارادا ايماقتاعى وزەكتى ماسەلەلەر مەن ولاردى شەشۋ جولدارىن تالقىلاۋعا جاقسى مۇمكىندىك بولعانىن اتاپ ءوتتى.
