EGDI ەلەكتروندىق ۇكىمەتتىڭ ءۇش ماڭىزدى اسپەكتىسىنىڭ جيىنتىق ولشەمى: ونلاين-قىزمەتتى ۇسىنۋ, تەلەكوممۋنيكاتسيالىق بايلانىس جانە ادام الەۋەتى. ەلدەگى ۆەب-سايتتاردىڭ دامۋ مودەلىن باعالاۋمەن قاتار ەلدىڭ قولجەتىمدىلىكتى ارتتىرۋ ءۇشىن اقپاراتتىق تەحنولوگيالاردى قالاي پايدالانىپ وتىرعانىن تالداي كەلە يندەكس قولجەتىمدىلىك سيپاتتاماسىن دا (ينفراقۇرىلىم جانە ءبىلىم دەڭگەيى) ەسكەرەدى.
ازاماتتاردىڭ ەلەكتروندى قاتىسۋى رەيتينگىندە (E-Participation Index, EPI) قازاقستان 15-ورىن العان. 15-ورىن – وتە ءتاۋىر پوزيتسيا. EPI يندەكسى EGDI يندەكسىن تولىقتىرادى جانە ازاماتتاردىڭ سۇرانىس بويىنشا نەمەسە ونسىز جاريا اقپاراتقا قول جەتكىزۋىن, مەملەكەتتىك ساياسات پەن قىزمەتتەرگە قاتىسۋعا جانە تالقىلاۋعا تارتىلۋىن, سونداي-اق ساياساتقا, قىزمەتتەرگە جانە ولاردى ۇسىنۋ تاسىلىنە قاتىستى بىرلەسكەن ەلەكتروندىق شەشىمدەر قابىلداۋ ارقىلى حالىقتىڭ قۇقىقتارى مەن مۇمكىندىكتەرىن كەڭەيتۋدى كورسەتەدى.
«مۇنداي وڭ كورسەتكىشتەرگە ۇكىمەتتىڭ باستامالارى اسەر ەتەدى. ايتالىق, ەلىمىزدە 10 مەملەكەتتىك قىزمەتتىڭ 9-ى تسيفرلاندىرىلعان, ولاردى بۇگىن Egov.kz پورتالىندا نەمەسە ءتيىستى قوسىمشا ارقىلى ونلاين-فورماتتا الۋعا بولادى. سول سياقتى, ءموبيلدى قوسىمشالار ارقىلى, ايتالىق, زەينەتاقى اكتيۆتەرىن باسقارۋعا, «ەلەكتروندىق ەمحاناعا» (Damumed) قول جەتكىزۋگە دە مۇمكىندىك بار. بۇدان باسقا, تسيفرلاندىرۋدا قارجى سەكتورى (بانكتەردىڭ سايتتارى مەن قوسىمشالارى, ونلاين-ساقتاندىرۋ, بروكەرلىك قىزمەتتەر جانە ت.ب.), ونەركاسىپ, قۇرىلىس, لوگيستيكا, تەلەكوم, مادەنيەت جانە دەمالىس سالاسى سياقتى ەلدىڭ بارلىق نەگىزگى سالاسىنىڭ ءىرى كومپانيالارى ۇلكەن ءرول اتقارادى», دەپ جازادى Finprom.
2021 جىلى 6-74 جاس ارالىعىنداعى ينتەرنەت پايدالانۋشى ازاماتتار ۇلەسى 92,9 پايىزدى قۇراعان. 2020 جىلمەن سالىستىرعاندا 4,7 پايىزدىق تارماققا جوعارى. كورسەتكىش اۋىلدىق جەرلەردە 2020 جىلعى 85,5 پايىزدان 2021 جىلى 90,7 پايىزعا دەيىن ۇلعايسا, قالادا 90,1 پايىزدان 94,4 پايىزعا دەيىن ارتقان.
ينفوگرافيكانى جاساعان امانگەلدى قياس, «ەQ»
Finprom مالىمەتى بويىنشا, Speedtest Global Index دەرەگىنشە, بىزدەگى ءموبيلدى ينتەرنەت جىلدامدىعى 22,1 مب/سەكۋند بولعان. بىلتىرعى جىلدامدىقتان 11,4 پايىزعا جوعارى. بۇل تۇرعىدا دا ورتالىق ازيا مەن تمد-دا ۇزدىكپىز. رەسەيدەگى جىلدامدىق – 21,2 مب/س, قىرعىزستاندا – 20,2 مب/س, وزبەكستاندا – 15,1 مب/س, تاجىكستاندا – 7,8 مب/س.
«سونىمەن قاتار Digital Intelligence Index تسيفرلىق ەۆوليۋتسياسى بويىنشا 90 ءىرى ەكونوميكا رەيتينگىندە قازاقستان تسيفرلاندىرۋدى دامىتۋ جەدەلدىلىگى بويىنشا 20-ورىن الدى.
«قازاقستان تسيفرلىق ءال-اۋقاتتى ودان ءارى دامىتۋ ءۇشىن نەعۇرلىم پەرسپەكتيۆالى ەلدەر توبىنا كىردى. سونداي-اق 2021 جىلعى DSGI تسيفرلىق داعدىلار دەڭگەيى بويىنشا 134 ەلدىڭ رەيتينگىندە قازاقستان 43-ورىنعا يە بولدى. بۇل ەلدەگى قولدانىستاعى تسيفرلىق تەحنولوگيالاردىڭ سەنىمدىلىگىن, تۇراقتىلىعى مەن جەدەلدىگىنىڭ جەتكىلىكتى جوعارى ەكەنىن كورسەتەدى», دەپ جازادى Finprom.
